"காதர் பாட்சா என்ற முத்துராமலிங்கம்" படத்தின் டீசர் வெளியீடு….

தமிழ் சினிமாவின் முன்னணி கதாநாயகர்களில் ஒருவரான நடிகர் ஆர்யா கடைசியாக சக்தி சௌந்தர்ராஜன் இயக்கத்தில் நடித்த ‘டெடி’ ரசிகர்களிடம் நல்ல வரவேற்பை பெற்றது. இதனைத்தொடர்ந்து ஆர்யா-சக்தி சௌந்தர்ராஜனுடன் மீண்டும் இணைந்த ‘கேப்டன்’ படம் கலவையான விமர்சனங்களைப் பெற்றது. இதற்குப் பிறகு ஆர்யா தற்போது அதிரடி படமான “காதர் பாட்சா என்ற முத்துராமலிங்கம்” என்னும் படத்தில் நடித்து வருகிறார்.

தனக்கென தனி பாணியில் நல்ல கமர்ஷியல் படங்களை கொடுத்து வரும் இயக்குனர் M.முத்தையா இயக்கத்தில் “காதர் பாட்சா என்ற முத்துராமலிங்கம்” படம் தயாராகியுள்ளது. இயக்குனர் M.முத்தையா தனது கொம்பன், மருது, விருமன் வரிசையில் முத்துராமலிங்கம் காதர் பாட்சா என்ற முத்துராமலிங்கம் படத்தை இயக்கியுள்ளார். ஜி ஸ்டுடியோஸ் மற்றும் ட்ரம்ஸ்டிக்ஸ் புரொடக்ஷன்ஸ் ஆகிய இரண்டு நிறுவனங்கள் இணைந்து தயாரிக்கும் “காதர் பாட்சா என்ற முத்துராமலிங்கம்” திரைப்படத்தை இசையமைப்பாளர் ஜி.வி.பிரகாஷ்குமார் இசைமைக்கிறார். சாண்டி, சதீஷ், ஷெரிப், பாபா பாஸ்கர் ஷோபி மற்றும் ஜானி ஆகியோர் நடன இயக்குனராக பணியாற்றியுள்ளனர்.