அஜித் நடித்துள்ள துணிவு படத்தை வெளிநாடுகளில் திரையிடும் உரிமையை லைக்கா ப்ரொடக்ஷ்ன்ஸ் கைப்பற்றி உள்ளது

அஜித் நடித்துள்ள துணிவு படத்தை வெளிநாடுகளில் திரையிடும் உரிமையை லைக்கா ப்ரொடக்ஷ்ன்ஸ் நிறுவனம் கைப்பற்றி உள்ளதாக அதிகாரப்பூர்வ போஸ்டர் வெளியாகி உள்ளது. அஜித் நடித்துள்ள துணிவு திரைப்படம் வரும் ஜனவரி 12ஆம் தேதி பொங்கலுக்கு வெளியாகிறது. துணிவு திரைப்படத்தை தமிழகத்தில் உதயநிதி ஸ்டாலினின் ரெட் ஜெயன்ட் நிறுவனம் வெளியிடுகிறது. அஜித்தின் 62-வது படத்தையும் லைக்கா ப்ரொடக்ஷ்ன்ஸ் நிறுவனம்தான் தயாரிக்கிறது என்பது குறிப்பிடத்தக்கது. இந்த சூழலில் அஜித்தின் 61-வது படமான துணிவு திரைப்படத்தையும் வெளிநாடுகளில் வெளியிடுவதற்கான உரிமையை லைக்கா பெற்றிருப்பது பெரிய விஷயமாக, அதிரடி திருப்பமாக  பார்க்கப்படுகிறது. அத்துடன் எட்டு வருடங்களுக்கு பின்பு தல, தளபதி இருவருடைய படமும் மீண்டும் வரும் பொங்கல் அன்று வெளியாக உள்ளதால் கோலிவுட் பெரும் எதிர்பார்ப்புடன் இந்த பொங்கல் பண்டிகையை ஆர்வத்துடன் எதிர்நோக்கி காத்திருக்கின்றனர். மேலும் துணிவு மற்றும் வாரிசு இரண்டு படங்களின் வியாபாரமும் படு ஜோராக நடந்து கொண்டிருக்கிறது. அத்துடன் துணிவு, வாரிசு இரண்டு படங்களில் எந்த படம் வசூலில் வெற்றி பெறும் என்பதை சோசியல் மீடியாவில் தல, தளபதி ரசிகர்கள் இப்போது இருந்தே அடித்துக் கொள்ள ஆரம்பித்துவிட்டனர்.