64 Years Of Kamal Haasan : கமல்ஹாசனை சிம்மாசனத்தில் அமர்த்திய ஸ்ருதிஹாசன்…

கமல்ஹாசன் (64 Years Of Kamal Haasan)1960 ஆம் ஆண்டு களத்தூர் கண்ணம்மா திரைப்படத்தில் குழந்தை நட்சத்திரமாக அறிமுகமானார். ‘அம்மாவும் நீயே அப்பாவும் நீயே’ என பால் வடியும் முகத்துடன் ரசிகர்களின் மனதை கொள்ளையடித்த கமல், பின்னாளில் ஹாலிவுட்டுக்கே சவால் விடுவார் என்று யாரும் நினைத்திருக்க மாட்டார்கள். அசிஸ்டன்ட் டான்ஸ் மாஸ்டர், உதவி இயக்குனர், கதையாசிரியர், திரைக்கதை எழுத்தாளர், வசனகர்த்தா, இயக்குனர், நடிகர் என திரையுலகில் கமல்ஹாசன் தொடாத இடமில்லை,சாதிக்காத சாதனையும் இல்லை. சிவாஜிக்குப் பிறகு, சர்வதேச அளவில் கவனம் பெற்ற தமிழின் கலைஞராக கமல்ஹாசன் காணப்படுகிறார். நடிகராக கமலின் புதிய முயற்சிகள் தமிழில் மட்டுமின்றி இந்திய சினிமாவுக்கே ஒரு பெரிய பாய்ச்சலை நிகழ்த்திக் காட்டியது. 

16 வயதினிலே, சிவப்பு ரோஜாக்கள், அபூர்வ சகோதரர்கள், மகாநதி, தேவர் மகன், விருமாண்டி போன்ற படங்களை பட்டியலிடுவது மிகவும் கடினமாக இருந்தது. கமல்ஹாசன் திரையுலகில் அறிமுகமாகி 63 ஆண்டுகளை நிறைவு செய்துள்ளார். இதன் மூலம் கமல் 64வது ஆண்டில் அடியெடுத்து வைத்துள்ளார். இதை கொண்டாடும் விதமாக கமல் ரசிகர்கள்  64இயர்ஸ் ஆஃப் கமல், கமலிஸம் என ஏராளமான ஹேஷ்டேக்குகளை ட்ரெண்ட் செய்து வருகின்றனர்.

இந்த நிலையில் கமலின் மகள் ஸ்ருதிஹாசன் போஸ்டருடன் ட்விட் செய்துள்ளார். அதில் அவர் ட்வீட் செய்துள்ளதாவது, பல்வேறு ஏற்றத் தாழ்வு, வெற்றி, சவால்கள் என அனைத்தையும் கண்ட உலக நாயகனின் அயராத முயற்சிக்கு இடையில் எதுவும் வர முடியாது. 6 தலைமுறைகளாக திரையுலகின் இணையற்ற பேரரசர் கமல். சினிமாவில் தனது 64வது ஆண்டில் அடியெடுத்து வைக்கிறார்’ என ட்வீட் செய்துள்ளார். முக்கியமாக இந்த ட்விட்டர் பதிவில் ஸ்ருதிஹாசன் பகிர்ந்துள்ள கமலின் போஸ்டர் ரசிகர்களை உற்சாகப்படுத்தியுள்ளது. சிம்மாசனத்தில் கமல் அமர்ந்திருப்பது போல், ரசிகர்கள் பட்டாளமே சூழ்ந்து கோஷமிடுவது போல் உருவாக்கப்பட்டுள்ளது. இந்த போஸ்டர் தற்போது இணையத்தில் வைரலாகி வருகிறது.