Actor Vijay Thanked Superstar Rajinikanth : சூப்பர் ஸ்டார் ரஜினிக்கு நன்றி தெரிவித்த விஜய்

விஜய் தமிழக வெற்றி கழகம் என்ற அரசியல் கட்சியை தொடங்கியுள்ளார். அவருக்கு சூப்பர் ஸ்டார் ரஜினிகாந்த் நேற்று முன்தினம் வாழ்த்து தெரிவித்திருந்தார். இதையடுத்து விஜய், ரஜினியை தொலைபேசியில் தொடர்பு கொண்டு நன்றி தெரிவித்ததாக (Actor Vijay Thanked Superstar Rajinikanth) தகவல் வெளியாகியுள்ளது.

விஜய் தமிழக வெற்றி கழகம் என்ற தன் கட்சியின் பெயரை விஜய் சில நாட்களுக்கு முன்பு அதிகாரப்பூர்வமாக அறிவித்தார். விஜய் விரைவில் அரசியலுக்கு வரப்போவதாக கடந்த சில மாதங்களாகவே செய்திகள் பரவி வந்தன. மேலும் 2026ல் நடக்கவுள்ள சட்டசபை தேர்தலே விஜய்யின் முதல் இலக்காக இருக்கும் என்று கூறப்பட்டது. அதையெல்லாம் நிரூபிக்கும் வகையில் விஜய் தனது அரசியல் கட்சியை அறிவித்து, 2026ல் நடக்கவுள்ள சட்டசபை தேர்தலில் போட்டியிடுவேன் என்று கூறியது கடந்த சில நாட்களாக இந்திய அளவில் ட்ரெண்டாகி வருகிறது. விஜய்யின் கொள்கை என்னவாக இருக்கும்? தனித்து போட்டியிடுவாரா? கூட்டணி அமைப்பாரா? என்ற கேள்விகள் ரசிகர்களிடம் இருந்து வருகிறது.

என்னதான் அவர் கட்சி தொடங்கியதில் ரசிகர்கள் ஒரு பக்கம் மகிழ்ச்சியில் இருந்தாலும், இன்னொரு பக்கம் அவர் நடிப்பில் இருந்து ஓய்வு பெறுவதாக அறிவித்திருப்பது பலரையும் வருத்தத்தில் ஆழ்த்தியுள்ளது. தளபதி 69 படத்திற்கு பிறகு, நடிப்பதை விட்டுவிட்டு அரசியலில் முழு கவனம் செலுத்துவதாக விஜய் அறிவித்தார். இதை அவரது ரசிகர்களால் ஏற்றுக்கொள்ள முடியவில்லை. அரசியலில் ஈடுபட்டாலும் விஜய்யின் படங்களில் தொடர்ந்து நடிக்க வேண்டும் என்பதே அவர்களின் ஆசை. இந்நிலையில் விஜய்யின் அரசியல் வருகைக்கு ரசிகர்கள் முதல் திரையுலக பிரபலங்கள் வரை பலரும் வாழ்த்து தெரிவித்து வருகின்றனர்.