Adani Turns Solar Power Into ATM : ராமநாதபுரத்தையே பணம் தரும் ஏடிஎம்மாக அதானி மாற்றியுள்ளார்

விவசாயமும் இல்லாமல் தொழில்கள் செய்யும் வாய்ப்பும் இல்லாமல் வானம் பார்த்த பூமியாக தவிக்கும் ராமநாதபுரம் மாவட்டத்தை கோடிகளை குவிக்கும் ATM-ஆக (Adani Turns Solar Power Into ATM) அதானி நிறுவனம் மாற்றியுள்ளது. தொழில் அதிபர் அதானி சூரியன் சுல்லென்று அடிக்கும் பூமியில் சூரிய ஒளியை பணம் தரும் ஏடிஎம்மாக மாற்றியுள்ளார். எந்த ஊரில் என்ன செய்தால் பணம் சம்பாதிக்க முடியும் என்பதை நன்றாக அறிந்தவர்களே வாழ்க்கையில் வெற்றியாளர்கள் ஆகிறார்கள். பணத்தை பெருக்க தெரிந்தவர்கள் எந்த சூழ்நிலையிலும் தெளிவாக சிந்தித்து பணத்தை பெருக்குகிறார்கள். ராமநாதபுரம் மாவட்டம் கமுதியில் அதானி நிறுவனம் ஆனது 2500 ஏக்கர் பரப்பளவில் 648 மெகாவாட் மின் உற்பத்தி திறன் உள்ள சோலார் மின் உற்பத்தி நிலையத்தை அமைத்துள்ளது. 2016ம் ஆண்டு அமைக்கப்பட்ட இந்த அதானியின் மின் நிலையத்தில் இருந்து தினம்தோறும் 30 லட்சம் யூனிட் மின்சாரம் உற்பத்தி செய்யப்படுகிறது. மொத்தம் இதுவரை 480 கோடி யூனிட் மின்சாரம் பெறப்பட்டிருக்கிறது.

ஆண்டு முழுவதும் ராமநாதபுரம் மாவட்டம் கமுதியில் 200 நாட்களுக்கு மேல் அதிக சூரிய ஒளி கிடைப்பதால் ஆண்டு முழுவதும் மின் உற்பத்தி ஆனது அதிகமாக நடக்கிறது. இந்த அதானியின் மின் நிலையத்தில் இருந்து உற்பத்தியாகும் மின்சாரம் மூலம் 2.64 லட்சம் வீடுகளுக்கு மின்சாரத்தை விநியோகிக்க முடியும். அதானியின்  மின் நிலையம் கோடிகளில் வருமானம் ஈட்டி வருகிறது. ராமநாதபுரத்தில் அதானி நிறுவனம் இன்னும் சில சூரிய ஒளி மின் உற்பத்தி மையங்கள் அமைக்க போகின்றன. இனிவருகின்ற காலங்களில் மின்சாரத்தில் தான் வாகனங்கள் ஓடப்போகும் நிலையில், ராமநாதபுரத்திற்கு சுக்கிர திசை ஆனது தொடங்கி உள்ளது. தூத்துக்குடி போல் ராமநாதபுரம் மாவட்டமும் சூரிய ஒளி மின் உற்பத்தி நிறுவனங்கள் அதிகரித்ததால் விரைவில் பொருளாதார மையமாக மாறும் வாய்ப்பு உள்ளது. ராமநாதபுரம் பூமியில் சூரிய ஒளியை விற்று கோடிகளை குவித்து வருகிறது அதானி நிறுவனம்.