அஜித்குமாரின் சகோதரர் அனில்குமார் தனது தந்தையை பற்றி யூடியூப் சேனல் ஒன்றில் பேசியது வைரலாகி வருகிறது. அந்த வீடியோவில் எங்கள் பெற்றோர்கள் எங்களை மிகவும் கட்டுப்பாட்டுடன் வளர்க்கவில்லை. நிறைய சுதந்திரம் கொடுத்தார்கள். எங்கள் தந்தை ஒரு கிளர்ச்சியாளர். படிப்பில் அவருக்கு அதிக ஆர்வம் இல்லை. ஆனாலும் அவர் மிகவும் புத்திசாலி. இணையத்தை மிக எளிதாக கையாள்வார்.

அப்பாவும் அம்மாவும் வெவ்வேறு கலாச்சார பின்னணியை சேர்ந்தவர்கள். தந்தை தமிழ் கேரளாவில் வளர்ந்தவர். அம்மா சிந்தி கராச்சியை சேர்ந்தவர். இந்தியா-பாகிஸ்தான் பிரிவினையின் போது அவர் இந்தியா வந்தார். நாங்கள் டீனேஜில் இருந்தபோது ​​புகைபிடிப்பதாக இருந்தாலும் மது அருந்துவதாக இருந்தாலும் எங்க முன்னாடி பண்ணுங்க என்று எங்கள் வீட்டில் சொல்லுவார்கள் என்று அஜித்குமாரின் சகோதரர் ‘அனில்குமார்’ பகிர்ந்த வீடியோ தற்போது இணையத்தில் வைரலாகி வருகிறது.