Ambedkar Jayanti 2023: டாக்டர் பி.ஆர்.அம்பேத்கர் பற்றி தெரிந்துகொள்ள வேண்டியவை

அம்பேத்கர் ‘மகர்’ என்னும் தாழ்த்தப்பட்ட சமுதாயத்தில் பிறந்தார். இவர் சாத்தாராவில் உள்ள பள்ளியில் தனது கல்வியை தொடர்ந்தார். பள்ளியில் படிக்கும் போது தாழ்த்தப்பட்ட இனத்தவர் என்பதற்காக இவரை மற்ற மாணவர்களுடன் ஒன்றாக அமரக்கூடாது, அனைவரும் நீர் அருந்தும் பாத்திரத்தில் நீர் அருந்தக்கூடாது, மண் பானையில் தண்ணிர் குடிக்க வேண்டும்.

மற்ற மாணவர்களுடன் விளையாடக்கூடாது என பல துன்பங்களையும், துயரங்களையும் அனுபவித்தார். இந்த நிலையில் “மகாதேவ அம்பேத்கர்” என்ற பிராமண ஆசிரியர் அம்பேத்கருக்கு உதவியாக இருந்தார். அவர் மீது அன்பும், அக்கறையும் கொண்டவராக விளங்கினார். அந்த ஆசிரியர் மீது உள்ள அன்பை வெளிப்டுத்தும் விதமாக தன்னுடைய பெற்றோர் வைத்த பீம்ராவ் ராம்ஜி என்ற பெயருக்கு பின்னால் தன்னுடைய ஆசிரியர் பெயரான ‘அம்பேத்கர்’ என்பதை சேர்த்துக் கொண்டார். அன்று முதல் அவருக்கு “பீம்ராவ் ராம்ஜி அம்பேத்கர்” என்ற பெயர் கிடைத்தது.

தந்தையின் வேலை காரணமாக இவருடைய குடும்பம் 1904 ஆம் ஆண்டு மும்பைக்கு குடி பெயர்ந்தனர். அங்கு ‘ ‘எல்பின்ஸ்டன்’ பள்ளியில் தனது பள்ளி படிப்பை 1907 ஆம் ஆண்டு முடித்தார். அதன் பிறகு பரோடா மன்னரின் பொருள் உதவியோடு மும்பை பல்கலை கழகத்தில் இளங்கலை படிப்பை தொடர்ந்த அவர் 1912 ஆம் ஆண்டு அரசியல் மற்றும் பொருளாதாரத்தில் இளங்கலை பட்டம் பெற்றார்.