APPA App Launches : அனைத்து பள்ளி பெற்றோர் ஆசிரியர் கூட்டமைப்புக்கு APPA என்ற புதிய செயலி அறிமுகம்

மேலும் அவர் பேசுகையில் அம்மா, அப்பா மற்றும் ஆசிரியரை தெய்வம் என்று நம் முன்னோர்கள் கூறுவார்கள். சமீபகாலமாக கல்வித் துறையில் உலகத் தர சாதனைகள் படைக்கப்பட்டு வருகின்றன. ஒவ்வொரு மாணவரும் தமிழ்நாட்டின் சொத்து என்ற நினைப்போடு அவர்களை வளர்க்கிறோம் என்று கூறினார். மேலும் அவர் பெற்றோர், ஆசிரியர் கழகத்தின் சார்பில் அப்பா (APPA) என்ற பெயரில் செயலியை (APPA App Launches) அறிமுகம் செய்துவைத்தார். அப்போது பேசிய அவர் கட்சிக்காரர்கள் திராவிட முன்னேற்ற இயக்கத்துக்கு தலைவர் என்பதால் என்னை தலைவர் என்று சொல்கிறார்கள். தமிழ்நாட்டின் முதலமைச்சர் பொறுப்பில் இருப்பதால் முதல்வர் என்று அழைக்கிறார்கள். தற்போதைய இளைய தலைமுறையினர் என்னை அன்புடன் அப்பா என்று அழைக்கும் போது ஆனந்தமாக இருக்கிறது. அப்பா என்ற உறவு எப்போதும் மாறாது. இந்த உறவு எனக்கு  கூடுதல் பொறுப்புகளை கூட்டியிருக்கிறது என்றும் தமிழ்நாட்டு மக்களுக்கு இன்னும் நான் நிறைய செய்ய வேண்டியிருக்கிறது என்பதை உணர்த்துகிறது எனவும் தெரிவித்தார்.