Ayalaan 2 : பிரமாண்டமாக உருவாகும் 'அயலான் 2'

அயலான் படம் நல்ல வெற்றியைப் பெற்றால், இந்தப் படத்தின் இரண்டாம் பாகத்தை எடுக்கத் திட்டமிட்டுள்ளதாக படக்குழுவினர் முன்பே தெரிவித்திருந்தனர். தற்போது இப்படம் உலகம் முழுவதும் 50 கோடிக்கு மேல் வசூல் செய்துள்ள நிலையில், இரண்டாம் பாகத்திற்கான பேச்சுவார்த்தை வேகமாகியுள்ளது. அயலான் படத்தின் VFX காட்சிகளை உருவாக்கிய Fondon FX நிறுவனம் தற்போது அயலான் இரண்டாம் பாகத்திற்கான (Ayalaan 2) ஒப்பந்த அறிக்கையை படக்குழுவினருடன் வெளியிட்டுள்ளது. இந்த அறிக்கையில் அயலான் படத்தின் முதல் பாகம் வெற்றி பெற்றதையடுத்து இரண்டாம் பாகத்திற்கு தங்கள் நிறுவனம் முழு ஒத்துழைப்பை அளிக்கும் என உறுதியளித்துள்ளார்.

மேலும் அயலான் இரண்டாம் பாகத்தில் (Ayalaan 2) VFX காட்சிகளுக்காக மட்டும் முதற்கட்டமாக 50 கோடி ரூபாய் செலவு செய்யப்பட்டுள்ளது. படத்தின் தரத்தை உயர்த்த செலவு அதிகரிக்க வாய்ப்பு உள்ளதாகவும், அப்படி இருந்தால் அது குறித்து மேலும் தெரிவிக்கப்படும் என்றும் கூறப்பட்டுள்ளது. இந்த பணிகள் அனைத்தும் Fondon நிறுவனத்தின் உரிமையாளர் பிஜாய் அற்புதராஜின் தலைமையில் நடைபெறும் என தெரிவிக்கப்பட்டுள்ளது. சிவகார்த்திகேயன் ஒரு படத்தின் இரண்டாம் பாகத்தை எடுப்பது இதுவே முதல் முறை என்பதால் ரசிகர்கள் மகிழ்ச்சியில் உள்ளனர். சிவகார்த்திகேயன் தற்போது ராஜ்குமார் பெரியசாமி இயக்கத்தில் SK 21 படத்தில் நடித்து வருகிறார். இந்தப் படத்தில் கதாநாயகியாக சாய் பல்லவி நடிக்கிறார். இந்த படத்திற்கு இசைமைப்பாளர் ஜி.வி.பிரகாஷ் குமார் இசையமைக்கிறார். ராஜ்கமல் ஃபிலிம்ஸ் நிறுவனம் இந்தப் படத்தைத் தயாரிக்கிறது. SK 21 படத்தின் ஃபர்ஸ்ட் லுக் போஸ்டர் விரைவில் வெளியாகும் என எதிர்பார்க்கப்படுகிறது.