Ayalaan OTT Release : அயலான் ஓடிடி ரிலீஸ் தேதி அறிவிப்பு

சிவகார்த்திகேயன் நடித்த அயலான் படம் நீண்ட நாட்களாகவே வெளியாகாமல் இருந்தது. ரசிகர்களும் பல வருடங்களாக படத்தின் ரிலீசுக்காக வெறித்தனமாக காத்திருந்தனர். இதையடுத்து இந்த ஆண்டு பொங்கல் வெளியீடாக ‘அயலான்’ திரைப்படம் வெளியாகி நல்ல வரவேற்பை பெற்றது. இந்நிலையில் இப்படத்தின் OTT ரிலீஸ் குறித்து புதிய அறிவிப்பு (Ayalaan OTT Release) வெளியாகியுள்ளது. தமிழ் சினிமாவில் சின்னத்திரையில் இருந்து வெள்ளித்திரைக்குள் நுழைந்து முன்னணி நடிகராக வலம் வருபவர் சிவகார்த்திகேயன். இவர் தனது ரசிகர் பட்டாளத்தை கொண்டு அடுத்தடுத்து ஹிட் படங்களை கொடுத்து வருகிறார். இதற்கு முன் ‘மாவீரன்’ படத்தின் மூலம் வெற்றியை பதிவு செய்த சிவகார்த்திகேயன், ‘அயலான்’ படத்திலும் வெற்றி பெற்றுள்ளார்.

‘இன்று நேற்று நாளை’ படத்தின் மூலம் தமிழ் சினிமாவில் நம்பிக்கைக்குரிய இயக்குனராக அறிமுகமானவர் ரவிக்குமார். அறிவியல் புனைகதை வகையிலேயே தனது முதல் படத்தை இயக்கி கவனத்தை ஈர்த்தார். அதன் பிறகு சிவகார்த்திகேயனை தனது இரண்டாவது படத்தில் இயக்கும் வாய்ப்பைப் பெற்றார். இந்த படம் கொரோனா சகாப்தத்திற்கு முன்பே தொடங்கப்பட்டது. ஆனால், ஊரடங்கு, பட்ஜெட் உள்ளிட்ட பல்வேறு காரணங்களால் ‘அயலான்’ படம் தள்ளிப் போய்க்கொண்டே இருந்தது. ரசிகர்களும் படத்திற்காக ஆறு வருடங்கள் வரை காத்திருக்க வேண்டியிருந்தது. இதையடுத்து இந்த ஆண்டு பொங்கல் வெளியீடாக ‘அயலான்’ வெளியானது.