Babar Appointed As Captain : மீண்டும் பாகிஸ்தான் அணி கேப்டனாக பாபர் அசாம் நியமனம்

அடுத்த உலக கோப்பை தொடருக்கு முன்பாக பாகிஸ்தான் அணியை சிறப்பாக தயார்படுத்த வேண்டும் என்ற காரணத்தினால் மீண்டும் பழைய கேப்டன் பாபர் அசாமை நியமிக்க பாகிஸ்தான் தேர்வு குழு முடிவு செய்துள்ளது. இதையடுத்து பாகிஸ்தான் ஒருநாள் மற்றும் டி20 அணியின் கேப்டனாக பாபர் அசாம் மீண்டும் (Babar Appointed As Captain) நியமிக்கப்பட்டுள்ளார். இதன் மூலம், ஐந்து மாத இடைவெளிக்குப் பிறகு, பாபர் அசாம் மீண்டும் தலைமைப் பொறுப்புக்கு வந்துள்ளார். பாகிஸ்தான் கிரிக்கெட் வாரியம் வெளியிட்டுள்ள அறிக்கையில், புதிய தேர்வுக் குழுவின் முடிவின்படி டி20 மற்றும் ஒருநாள் போட்டிகளுக்கான கேப்டனாக பாபர் ஆசாமை பாகிஸ்தான் கிரிக்கெட் வாரியத் தலைவர் மோஷின் நக்வி (Babar Appointed As Captain) நியமித்துள்ளார்.

இந்த நிலையில் பாபர் ஆசாமின் முதல் தொடர் நியூசிலாந்துக்கு எதிரான ஐந்து போட்டிகள் கொண்ட டி20 தொடராக இருக்கும் என எதிர்பார்க்கப்படுகிறது. இந்தத் தொடர் ஏப்ரல் மாதம் பாகிஸ்தானில் நடைபெறவுள்ளது. ஐபிஎல் தொடரில் பாகிஸ்தான் வீரர்கள் இடம்பெறுவதில்லை. இந்த நேரத்தை பயன்படுத்தி பாகிஸ்தான் வீரர்கள் அந்நாட்டு ராணுவ வீரர்களிடம் பயிற்சியில் ஈடுபட்டுள்ளனர். பாகிஸ்தான் வீரர்களின் உடல் தகுதி மிகவும் மோசமாக இருப்பதால் இந்த நடவடிக்கை எடுக்கப்பட்டுள்ளது.