Bakrid 2023: பக்ரீத் பண்டிகை (Eid al Adha) கொண்டாடுவதற்கான வரலாறு!!

‘அப்பாவின் பாசத்தால் மனதை மாற்ற முடியவில்லையா?’ இந்த எண்ணம் அவரது மகன் நபி இஸ்மாயிலின் இதயத்தில் ஒரு வேதனையை ஏற்படுத்தியது. அதற்கு அவர் ஒரு வழியைப் பயன்படுத்தினார். தந்தையின் கண்களை துணியால் கட்டி, கோடரியை கையில் கொண்டு வந்தான்… நபி இஸ்மாயிலின் கழுத்து கோடரியின் கூர்முனையில் இருந்தது… அப்போது எங்கிருந்தோ ஒரு குரல் அல்லது அல்லாஹ்வின் சிந்தனையாக ஒரு அழுத்தம் எழுந்து நின்றது. இறைவன் அல்லாஹ் ‘சிஃப்ரயீல்’ என்ற வானவரை அனுப்பி அந்த ‘பலியை’ தடுத்தான். கடவுள் அங்கே ஒரு ஆட்டைக் கீழே இறக்கி, இஸ்மாயீலுக்குப் பதிலாக ஆட்டை அறுக்கும்படி இப்ராஹிமுக்குக் கட்டளையிட்டார். மைந்தன் நபி இஸ்மாயில் உயிரையே பலி கொடுக்க துணிந்த அந்த தந்தையின் தியாகத்தைப் போற்றிய, அந்த நரபலியைத் தடுத்து நிறுத்தியது இறைவனின் அன்புதான்.

அன்றைய தினம் அந்தச் சம்பவத்தின் நினைவாக ஒரு ஆட்டைப் பலியிட்டு அதை அனைவருக்கும் பகிர்ந்தளித்து சாப்பிடுமாறு ‘இறை’ குரல் கூறியது. காலங்காலமாக காத்துக் கிடந்து பெற்றதோ ஒரு பிள்ளை அந்த பிள்ளையையும் இறைவனுக்கு பலியிடத் துணிந்த தியாகத்தின் திருவுருவமாக, இப்ராஹிமின் தியாகம் போற்றப்படுகிறது. தந்தையின் தியாகத்தை உணர்ந்து, தந்தையே பாசத்தால் மறுத்தலித்து விடுவாரோ என்ற எண்ணத்தில், அதற்கான மாற்று வழியையும் கண்டெடுத்த அருமை மகனார் நபி இஸ்மாயில் தியாகமும் போற்றப்படுகிற நாளாக ஹஜ் பெருநாளான ‘பக்ரீத்’ போற்றப்படுகிறது.

பலியிடல் தியாகத் திருநாளின் சிறப்பம்சமாகும். இந்த பக்ரீத் பண்டிகையில் முஸ்லிம்கள் தங்களது வீட்டில் இறைவனின் பெயரால் ஆடு, ஒட்டகம், மாடு ஆகியவற்றை இறைவனுக்கு பலியெடுக்கின்றனர். பலியிடப்பட்ட விலங்கின் இறைச்சியை மூன்று சம பங்குகளாகப் பிரித்து… ஒரு பங்கு அண்டை வீட்டாருக்கும் நண்பர்களுக்கும், மற்றொரு பங்கை ஏழைகளுக்கும் கொடுத்துவிட்டு … மூன்றாவது பங்கை அவர்கள் பயன்படுத்துகின்றனர். முக்கியமாக பலியிடப்படும் விலங்கு ஊனமற்றதாகவும், குறைந்தது ஒரு வருடமாவது இருக்கும்படியும் உறுதி செய்யப்படுகிறது.

இறை தூதர் என போற்றப்படும் இப்ராஹிமின் அர்ப்பணிப்பும், புனிதத்துவமும் நிறைந்த வாழ்வை எண்ணி, அவரது தியாகத்தின் மகத்துவத்தைப் போற்றும் வகையிலும் இந்த ‘பக்ரீத்’ நினைவு நாளாகக் கொண்டாடப்படுகிறது.