Bakrid Festival 2024 : பக்ரீத் பண்டிகை - தியாக திருநாள்

தியாகப் பெருநாள் எனப் பொருள்படும் அரபிய பதமான, ‘ஈத் அல்-அதா’ என்றே இந்தப் பண்டிகை உலகம் முழுவதும் அழைக்கப்படுகிறது. இந்தப் பண்டிகை ஆட்டை பலியிடுவதை அடிப்படையாக கொண்டு பக்ரீத் (பக்ரா-ஆடு + ஈத்-பெருநாள்) என்ற உருது பதத்தில் அழைக்கப்படுகின்றது. இறைத்தூதர் இப்ராஹிம் அவரது மகன் இஸ்மாயில் ஆகியோரின் தியாகத்தை நினைவுபடுத்தும் விதமாக உலக அளவில் இஸ்லாமியர்களால் இந்த ஹஜ் பெருநாள் பண்டிகை கொண்டாடப்படுகிறது.

சுமார் 4000 ஆண்டுகளுக்கு முன்பு இஸ்லாமியர்களின் தூதுவராக நம்பப்படுபவர்களில் ஒருவரான  இப்ராஹிம் ஈராக்கில் வாழ்ந்து வந்ததார். இவருக்கு நெடுநாட்களாக குழந்தை பாக்கியம் இல்லாமல் இருந்து வந்தது. இறுதியில் இப்ராஹிமிக்கு இறைவன் அருளால் அவரின் இரண்டாவது மனைவி ஸாரா மூலம் ஒரு ஆண் மகன் பிறந்தது. இப்ராஹிம் அந்த குழந்தைக்கு இஸ்மாயில் என பெயரிட்டு வளர்த்து வந்தார். இஸ்மாயில் வளர்ந்து பால்ய பருவத்தை அடைந்தபொழுது, இப்ராஹிமிக்கு ஒரு கனவு வந்தது. அந்த கனவில் கடவுள் தோன்றி இஸ்மாயிலை தனக்கு பலியிடுமாறு இப்ராஹிமிக்கு கட்டளையிட்டார். இந்த கனவு பற்றி இப்ராஹிமின் இஸ்மாயிலிடம் கூறியபோது அவர் தன்னை கடவுளுக்கு பலியிட சம்மதித்தார்.

இப்ராஹிமின் தனது மகனின் அனுமதியோடு பலியிட துணிந்தபொழுது, கடவுள் ஜிப்ரில் என்னும் வானவரை அனுப்பி இப்ராஹிமைத் தடுத்து நிறுத்தினார். மேலும் கடவுள் ஒரு ஆட்டை இறக்கி இஸ்மாயிலுக்கு பதில் அந்த ஆட்டை அறுத்து பலியிடுமாறு இப்ராஹிமிற்கு கட்டளையிட்டார். சுமார் 4000 ஆண்டுகளுக்கு முன்பு நடைபெற்ற இந்த மேற்கூரிய சம்பவத்தின் அடிப்படையிலேயே தியாக திருநாள் ஆனது கொண்டாடப்படுகின்றது.