Bayamariya Brammai First Look : 'பயமறியா பிரம்மை' படத்தின் ஃபர்ஸ்ட் லுக் வெளியீடு

புதுமுக நடிகர் ஜேடி கதையின் நாயகனாக நடிக்கும் ‘பயமரியா பிரம்மை’ படத்தின் ஃபர்ஸ்ட் லுக் (Bayamariya Brammai First Look) வெளியாகியுள்ளது. இதை இயக்குனரும், தயாரிப்பாளரும், தமிழ் திரையுலகின் படைப்புலக ஆளுமையான பா.ரஞ்சித் தன்னுடைய சமூக வலைதளப் பக்கத்தில் பதிவிட்டு படக்குழுவினருக்கு வாழ்த்து தெரிவித்துள்ளார். அறிமுக இயக்குனர் ராகுல் கபாலி இயக்கத்தில் உருவாகி இருக்கும் ‘பயமறியா பிரம்மை’ திரைப்படத்தில் ஜேடி, குரு சோமசுந்தரம், ஜான் விஜய், ஹரிஷ் உத்தமன், வினோத் சாகர், விஷ்வந்த், சாய் பிரியங்கா ரூத், திவ்யா கணேஷ், ஹரிஷ் மற்றும் பலர் இப்படத்தில் நடித்திருக்கின்றனர்.

நந்தா-வி.பிரவீன் இணைந்து ஒளிப்பதிவு செய்திருக்கும் இப்படத்திற்கு கே இசையமைத்துள்ளார். படத்தொகுப்பு பணிகளை அகில் பிரகாஷ் கவனிக்க, கலை இயக்கத்தை சதீஷ் கவனிக்கிறார். ஒலி வடிவமைப்பை விஜய் ரத்னமும், ஒலிக்கலவை ரஹ்மத்துல்லாவும் செய்கிறார்கள். இந்த க்ரைம் த்ரில்லர் படத்தை 69 எம்எம் பிலிம்ஸ் சார்பில் தயாரிப்பாளர்கள் ஜெகதீஷ் மற்றும் ராகுல் கபாலி இணைந்து தயாரித்துள்ளனர். படம் பற்றி இயக்குனர் கூறும்போது, “படத்தின் கதை 90 மற்றும் 2000-ம் ஆண்டு நடப்பது போல் அமைக்கப்பட்டுள்ளது. படத்தின் திரைக்கதை அனைத்து கதாபாத்திரங்களுக்கும் முக்கியத்துவம் கொடுத்து எழுதப்பட்டுள்ளது. க்ரைம் த்ரில்லர் ஜானரில் ‘பயமறியா பிரம்மை’ படம் ரசிகர்களுக்கு புதிய அனுபவத்தைத் தரும் என்றார். இப்படத்தின் படப்பிடிப்பு முடிவடைந்து தற்போது படப்பிடிப்பிற்கு பிந்தைய பணிகள் விறுவிறுப்பாக நடைபெற்று வருகிறது.