Bepicolombo Picture Of Mercury's South Pole : பெபிகொலம்போ விண்கலம் மெர்குரியின் தென் துருவத்தை படம் எடுத்து அனுப்பியுள்ளது

பெபிகொலம்போ திட்டமானது இரண்டு விண்கலங்கள் ஒன்றாக இணைந்து புதன் (Mercury) கிரகத்தை சுற்றி வருவதையும், ஆய்வு செய்வதையும் உள்ளடக்கிய ஒரு சர்வதேச பயணமாகும். புதன் கிரகத்தின் காந்தப்புலம், அதன் மேற்பரப்பின் புவியியல் மற்றும் சூரியக் காற்றுடனான அதன் தொடர்பு ஆகியவற்றைப் ஆராய்ச்சி செய்வதே பெபிகொலம்போவின் முதன்மையான பணியாகும். பெபிகொலம்போ திட்டத்தின் மூலம் முதல்முறையாக புதனின் (Mercury) தென் துருவப் படம் பூமிக்கு (Bepicolombo Picture Of Mercury’s South Pole) கிடைத்துள்ளது. பெபிகொலம்போ (Bepicolombo) என்பது ஐரோப்பிய விண்வெளி நிறுவனம் (ESA) மற்றும் ஜப்பான் விண்வெளி ஆய்வு நிறுவனம் (JAXA) ஆகிய இரு நாடுகளின் கூட்டுப் பயணமாகும்.

இந்த மிஷன் செப்டம்பர் 5  2024 அன்று புதன் கிரகத்தின் நான்காவது பயணத்தை வெற்றிகரமாக நிறைவு செய்துள்ளது. இறுதி சுற்றுப்பாதை உயர்த்தப்பட்டு விண்கலம் புதன் (Mercury) கிரகத்தை நெருங்கிச் சென்றது. பெபிகொலம்போ விண்கலத்தின் முக்கியமான சுற்றுப்பாதை உயர்வின் போது அனைத்து அமைப்புகளும் நன்றாக செயல்பட்டதாக மிஷன் கன்ட்ரோலர்கள் தெரிவித்துள்ளனர். புதனின் மேற்பரப்பில் இருந்து சுமார் 165 கிலோமீட்டர் தொலைவில் பெபிகொலம்போ விண்கலம் கடந்து சென்றது.