Bill Gates Donation Percentage : பில் கேட்ஸ் 99 சதவீத சொத்தை மெலிண்டா கேட்ஸ் அறக்கட்டளைக்கு வழங்கியுள்ளார்

இவர் கம்ப்யூட்டர் துறையையும் தாண்டி தனது தொண்டு நிறுவனம் மூலம் உலகெங்கும் உள்ள மக்களுக்கு பல்வேறு நலத்திட்டங்களையும் செய்து வருகிறார். அவர் மெலிண்டா கேட்ஸ் அறக்கட்டளை மூலம் இதுபோன்ற நலத்திட்டப் பணிகளைச் செய்து வருகிறார்.

ப்ளூம்பெர்க்கின் தற்போதைய மதிப்பீட்டின்படி பில் கேட்ஸ் சொத்தின் நிகர மதிப்பு 162 பில்லியனாக உள்ளது. அந்த 162 பில்லியன் சொத்தின் ஒரு சதவீதம் ஆனது 1.62 பில்லியன் ஆகும். இது இந்திய ரூபாயின் மதிப்பீட்டின்படி சுமார் ரூ.13,500 கோடியாகும். இந்த 1.62 பில்லியன் தொகை அவரது மூன்று குழந்தைகளுக்கு சமமாகப் பிரித்துத் தரப்படும். பில் கேட்ஸ் தனது செல்வத்தில் இந்த ஒரு சதவீதத்தை மட்டுமே தனது குழந்தைகளுக்கு ஒதுக்கி விட்டு 99 சதவீதத்தை தானமாக வழங்கப்போவதாக அறிவித்து உள்ளார். அவர் தனது குழந்தைகள் தன் மூலம் செல்வத்தைப் பெறுவதை விடச் சொந்தமாக வெற்றியை பெற வேண்டும் என்று விரும்புவதாக தெரிவித்துள்ளார். அவர் தனது குழந்தைகள் நல்ல முறையில் வளர்க்கப்பட்டுத் தலைசிறந்த கல்வியையும் பெற்றுள்ளதாக தெரிவித்துள்ளார். மேலும் அவர் தான் 69 ஆண்டுகளுக்கு முன்பே இது குறித்து யோசித்து முடிவு செய்ததாகவும் தெரிவித்துள்ளார். தனது குழந்தைகள் பெரிய செல்வத்தை அடைவதை விட தங்கள் சொந்தப் பாதைகளை உருவாக்கி தாங்களாக தங்களது வெற்றியை அடைய வேண்டும் என்று அவர் கூறியுள்ளார்.