Captain Shukla Is The 2nd Indian To Space : விண்வெளிக்குச் செல்ல தயாராகும் இரண்டாவது இந்தியர் கேப்டன் சுக்லா

Axiom-4 Mission திட்டம் என்பது ISRO – NASA-வின் கூட்டு முயற்சிகளை முன்னெடுத்துச் செல்லும் வகையில், ISRO-வின் மனித விண்வெளி விமான மையம் (Human Space Flight Center), NASA-வினால் அங்கீகரிக்கப்பட்ட Axiom Space Inc., USA நிறுவனத்துடன் இணைந்து கையெழுத்திட்டுள்ள விண்வெளி விமான ஒப்பந்தம் ஆகும். ISRO மற்றும் அமெரிக்காவின் விண்வெளி ஆராய்ச்சி மையமான NASA இணைந்து செயலாற்றவிருக்கும் கூட்டு விண்வெளி ஆராய்ச்சி திட்டத்திற்காக (Axiom-4 Mission) கேப்டன் சுபான்ஷு சுக்லா (39) மற்றும் குரூப் கேப்டன் பிரசாந்த் பாலகிருஷ்ணன் நாயர் ஆகிய இரு ககன்யான் விமானிகள் தேர்ந்தெடுக்கப்பட்டுள்ளனர்.

தேசிய திட்ட ஒதுக்கீடு வாரியம் (National Mission Assignment Board) ஆனது இந்த செய்தியை தெரிவித்திருக்கிறது. விண்வெளிக்கு மனிதர்களை அழைத்துச் செல்லும் இந்தியாவின் முதல் விண்வெளி திட்டமான ககன்யானில் சுக்லா மற்றும் நாயர் ஆகிய இரு விமானிகளும் ஏற்கனவே பங்குபெற்றுள்ளனர். கேப்டன் சுபான்ஷு சுக்லா இந்திய நாட்டின் இரண்டாவது விண்வெளி வீரர் (Captain Shukla Is The 2nd Indian To Space) மற்றும் சர்வதேச விண்வெளி நிலையத்திற்கு செல்லும் முதல் இந்திய விண்வெளி வீரர் ஆவார். கேப்டன் சுபான்ஷு சுக்லா செல்ல முடியாத நிலை ஏற்படும் எனில் குரூப் கேப்டன் பிரசாந்த் பாலகிருஷ்ணன் நாயர் அவர்கள் சுக்லாவிற்கு பதில் மாற்று விண்வெளி வீரராக செல்ல தேர்வு செய்யப்பட்டுள்ளார்.