Captain Vijayakanth Passed Away : தேமுதிக தலைவர் விஜயகாந்த் காலமானார்

நடிகரும், தேமுதிக தலைவருமான விஜயகாந்த் இன்று காலை சென்னையில் உள்ள மியாட் மருத்துவமனையில் கொரோனா சிகிச்சைக்காக அனுமதிக்கப்பட்டார், ஆனால் தற்போது அவர் உயிரிழந்த அதிர்ச்சி தகவலை (Captain Vijayakanth Passed Away) மருத்துவமனை வெளியிட்டுள்ளது. விஜயகாந்தின் ரசிகர்கள், தொண்டர்கள் மற்றும் திரையுலக பிரபலங்கள் பலரும் கண்ணீர் அஞ்சலி செலுத்தி வருகின்றனர்.

நடிகரும், தேமுதிக தலைவரும் மற்றும் சட்டப்பேரவை முன்னாள் எதிர்க்கட்சித் தலைவருமான விஜயகாந்த், கடந்த சில ஆண்டுகளாக உடல்நலக் குறைவால் பாதிக்கப்பட்டு சிகிச்சை பெற்று வந்தார். பொது நிகழ்ச்சிகளில் பெரிய அளவில் பங்கேற்காத அவர், ஆண்டுக்கு 2, 3 முறை மட்டுமே தேமுதிக தலைமை அலுவலகத்தில் தொண்டர்களை சந்தித்து வந்தார். விஜயகாந்தின் உடல்நிலை கட்சி தொண்டர்களை மட்டுமின்றி பொதுமக்களையும் கவலையில் ஆழ்த்தியது. மீண்டும் விஜயகாந்த் வருவார் என்பதே அனைவரின் எதிர்பார்ப்பாக இருந்தது. இந்நிலையில் நவம்பர் 18ஆம் தேதி உடல்நலக்குறைவு காரணமாக போரூர் அருகே உள்ள மியாட் மருத்துவமனையில் அனுமதிக்கப்பட்டார். காய்ச்சல் மற்றும் மூச்சு விடுவதில் சிரமம் ஏற்பட்டு சிகிச்சை பெற்று வந்த விஜயகாந்த் உடல்நிலை குறித்து பல்வேறு வதந்திகள் பரவியது. இதையடுத்து தேமுதிக பொதுச்செயலாளரும், விஜயகாந்தின் மனைவியுமான பிரேமலதா கண்ணீர் மல்க வீடியோ ஒன்றை வெளியிட்டு, விஜயகாந்த் நலமுடன் இருப்பதாக தெரிவித்துள்ளார்.