Chennai Super Kings : சென்னை சூப்பர் கிங்ஸ் அணி பற்றி ஒரு சிறப்பு கண்ணோட்டம்

சென்னை :

2024 ஐபிஎல் தொடரில் Chennai Super Kings அணி பிளே ஆஃப் சுற்றுக்கு முன்னேறுவது கடினம் என ரசிகர்கள் சிலர் கூறி வருகின்றனர். அதற்கு அவர்களின் காரணம் விசித்திரமானது. கொல்கத்தா நைட் ரைடர்ஸ் ஜேசன் ராய் 2024 ஐபிஎல் தொடரில் இருந்து ஓய்வு பெறுவதாக அறிவித்துள்ளார். கடந்த காலங்களில் ஜேசன் ராய் ஐபிஎல்லில் இருந்து வெளியேற்றப்பட்ட போதெல்லாம், பிளே-ஆஃப்களுக்கு செல்லாமல் சிஎஸ்கே பலத்த இழப்பை சந்தித்தது. இதை வைத்து மீம்ஸ் உருவாக்கி சிஎஸ்கே ரசிகர்கள் தங்கள் அச்சத்தை வெளிப்படுத்தி வருகின்றனர். முன்னதாக, 2020 ஐபிஎல் தொடரில் டெல்லி கேபிடல்ஸ் அணியில் இடம்பெற்றிருந்த இங்கிலாந்து வீரர் ஜேசன் ராய், தொடரில் இருந்து விலகினார். பின்னர் சி.எஸ்.கே பிளே ஆஃப் சுற்றுக்கு முன்னேறவில்லை. மேலும், பெரும் தோல்வியை சந்தித்து கடும் விமர்சனத்துக்குள்ளானது.

Chennai Super Kings :

அடுத்து, 2022 ஐபிஎல் தொடரில் குஜராத் டைட்டன்ஸ் அணியில் இடம் பெற்றிருந்த ஜேசன் ராயும் தொடரில் இருந்து விலகினார். அந்த முறையும் சி.எஸ்.கே பிளே ஆஃப் சுற்றுக்கு செல்லவில்லை. ஜடேஜாவை கேப்டனாக நியமித்த சிஎஸ்கே, முதல் பாதியில் தோல்விகளை சந்தித்து பிளே ஆஃப் வாய்ப்பை இழந்தது. அதன் பிறகு, தற்போது கொல்கத்தா நைட் ரைடர்ஸ் அணியில் இடம்பிடித்துள்ள ஜேசன் ராய், தொடருக்கு முன்பாக விலகியுள்ளார். அதனால் 2024 ஐபிஎல் தொடரிலும் சிஎஸ்கே அணி பிளே ஆஃப் வாய்ப்பை இழக்கும் என ரசிகர்கள் அச்சம் தெரிவித்து வருகின்றனர். இதில் இன்னொரு சுவாரசியமான சம்பவமும் உண்டு. ஜேசன் ராய் விலகிய முந்தைய இரண்டு தொடர்களிலும் இடம்பெற்றிருந்த அணி அந்த ஆண்டு ஐபிஎல் இறுதிப் போட்டிக்கு முன்னேறியது. 2020ல் டெல்லி கேபிடல்ஸ் அணி முன்னேறி வந்தது. அதேபோல் 2022ல் குஜராத் டைட்டன்ஸ் அணி இறுதிப்போட்டிக்கு வந்து கோப்பையை கைப்பற்றியது. அதேபோல் கொல்கத்தா நைட் ரைடர்ஸ் அணியும் இம்முறை இறுதிப் போட்டிக்கு வருமா? என்ற கேள்வி எழுந்துள்ளது.

ஐபிஎல் 2024 சீசன் வரும் 22ம் தேதி சென்னை சேப்பாக்கம் மைதானத்தில் தொடங்குகிறது. இந்த போட்டியில் நடப்பு சாம்பியனான Chennai Super Kings அணி ஆர்.சி.பி அணியுடன் பலப்பரீட்சை நடத்துகிறது. இதனால், தோனியை கோப்பையுடன் அனுப்ப வேண்டும் என்ற உத்வேகத்துடன் சிஎஸ்கே வீரர்கள் இந்தத் தொடரில் நுழைகிறார்கள். இதனால் சிஎஸ்கே அணி மீண்டும் கோப்பையை கைப்பற்ற அதிக வாய்ப்புள்ளது. ஏனெனில் சிஎஸ்கே அணி வலுவான அணியாக பார்க்கப்படுகிறது. இதற்கான காரணத்தை இப்போது பார்ப்போம். அனுபவம் வாய்ந்த இந்திய வேகப்பந்து வீச்சாளர்கள் இல்லாதது தான் சிஎஸ்கேயின் பிரச்சனை. கடந்த முறை தீபக் சாகர் மட்டுமே அங்கு இருந்தார். அவரும் சில போட்டிகளை தவறவிட்டார்.

தீபக் சாகர் :

ஆனால் தற்போது இரண்டு அனுபவமிக்க இந்திய பந்துவீச்சாளர்கள் தீபக் சாகர் மற்றும் சர்துல் தாக்கூர் ஆகியோர் Chennai Super Kings அணிக்கு திரும்பியுள்ளனர். மேலும் இருவரும் சிறப்பாக பேட்டிங் செய்யக்கூடியவர்கள் என்பதால், சிஎஸ்கே அணியில் 10 பேர் பேட் செய்ய முடியும். அதேபோல் இம்முறை சிஎஸ்கே அணியில் பல திறமையான இளம் வீரர்கள் உள்ளனர். 20 வயதான சமீர் ரிஸ்வி, சாய்க் ரஷித், ராஜவர்தன் ஹேங்கர்கர் மற்றும் நிஷாந்த் சித்து போன்ற வீரர்கள் இடம்பெற்றுள்ளனர். இது சிஎஸ்கே அணியின் பலமாக பார்க்கப்படுகிறது. இதேபோல் மேலும் இரண்டு வெளிநாட்டு வீரர்கள் சிஎஸ்கே அணியில் இணைந்துள்ளனர்.

நியூசிலாந்தைச் சேர்ந்த ரச்சின் ரவீந்திரா மற்றும் டேரல் மிட்செல், இருவரும் இந்திய மண்ணில் அதிரடியாக விளையாடும் திறன் கொண்டவர்கள். சுழற்பந்து வீச்சை நன்றாக எதிர்கொண்டு ரன் சேர்க்கிறார்கள். இவர்களின் வருகை சென்னை அணிக்கு வலு சேர்க்கிறது. நான்காவது காரணம் நம் அனைவருக்கும் தெரிந்ததே. தோனியின் தலைமையின் கீழ், சேப்பாக்கம் மைதானத்தில் Chennai Super Kings-ன் கோட்டையாக தோனி உருவாக்கியுள்ளார், ஏனெனில் அவருக்கு எந்த வீரரைப் பயன்படுத்த வேண்டும், களத்தில் எப்படி யுக்திகளை அமைக்க வேண்டும் என்பது அவருக்குத் தெரியும். இதனால் இம்முறையும் Chennai Super Kings அணி கோப்பையை வெல்லும் வாய்ப்பு இருப்பதாக கருதப்படுகிறது.