Never-ending Digital Transformation Journey Needs Chief Digital Officer (CDO)

Chief Digital Officer (CDO)

Digital மாற்றத்தின் சவால்களைச் சந்திக்கவும், செயல்குழுவை வழிநடத்தவும், செயல்முறையை ஒழுங்கமைக்கவும், ஒரு புதிய தலைமை டிஜிட்டல் அதிகாரி (CDO – Chief Digital Officer) பதவி ஆனது உருவாக்கப்பட்டு உள்ளது. நிறுவனங்கள் பெரும்பாலும் தங்கள் அலுவலக செயல்பாடுகளில் சமீபத்திய தொழில்நுட்பங்களை ஒருங்கிணைக்க தொடங்கி உள்ளன. இன்றைய நிறுவனங்களுக்கு டிஜிட்டல் மாற்றம் என்பது தேவையான ஒன்று ஆகும். ஒவ்வொரு நிறுவனமும் டிஜிட்டல் மயமாக்கப்பட வேண்டும். டிஜிட்டல் மாற்றம் என்பது ஒரு முடிவில்லாத பயணம் ஆகும்.

அனைத்து சேனல்கள் வழியாகவும் நிறுவனங்கள் தங்கள் வாடிக்கையாளர்களை சென்றடைந்தால் மட்டுமே இன்றைய காலகட்டத்தில் தொழில் துறையில் வெற்றிபெற முடியும். டிஜிட்டல் மயமாக்கல் துறையில் ஈடுபடாமல் அதை கற்பனை செய்ய முடியாதது. தலைமை டிஜிட்டல் அதிகாரி என்பவர் ஒரு பாரம்பரிய வணிகத்தை ஒரு நிறுவனமாக இறுதியில் மாற்றுவதற்கு தேவையான டிஜிட்டல் மாற்றத்தை இயக்குகிறார். தலைமை டிஜிட்டல் அதிகாரி (Chief Digital Officer) டிஜிட்டல் செயல்பாடுகள் ஒட்டுமொத்த அமைப்பின் மூலோபாயத்துடன் ஒத்துப்போவதை உறுதி செய்கிறார். அதைக் கையாள சரியான தொழில்நுட்ப ஆர்வமும் மற்றும் திறமையும் இருக்க வேண்டும்.

சிறந்த தொழில்நுட்பங்களை செயல்படுத்துவதன் மூலம் தற்போதுள்ள வணிக மாதிரிகளை டிஜிட்டல் முறையில் மாற்ற வேண்டும்.
வாடிக்கையாளர் தேவைகளுக்கு பதிலளிக்கும் டிஜிட்டல் தீர்வுகளை வழங்க வேண்டும்.
திட்டமிடல் முதல் செயல்படுத்துதல் வரை தொழில்நுட்ப பயன்பாடுகளை மேற்பார்வையிட வேண்டும்.
வணிக இலக்குகளை அடைவதை விரைவுபடுத்தக்கூடிய வளர்ந்து வரும் தொழில்நுட்பங்களை ஆராய வேண்டும்.
டிஜிட்டல் செயலாக்கம் தொடர்பான தகவலறிந்த முடிவுகளை எடுக்க தரவை பகுப்பாய்வு செய்ய வேண்டும்.
டிஜிட்டல் முயற்சிகளின் ROI ஐ தீர்மானிக்க அளவீடுகளை உருவாக்க வேண்டும்.
டிஜிட்டல் உள்ளீடுகளுடன் தயாரிப்பு மேம்பாட்டிற்கு உத்திகளை உருவாக்க வேண்டும்.
பங்குதாரர்களுக்கு டிஜிட்டல் உத்திகளைத் தெரிவிக்க வேண்டும்.
டிஜிட்டல் உத்திகளை அமைக்க வேண்டும்.
வரவு செலவு கணக்குகளை கண்காணிக்க வேண்டும்.

ஒரு CDO என்பவர் தேவையான பணிகளை முடிப்பதற்கு அப்பால் பின்வரும் திறன்களைக் கொண்டிருக்க வேண்டும்.

தலைமைத்துவ திறன்கள்
ஒத்துழைப்பு திறன்கள்
பயனுள்ள தொடர்பு திறன்கள்
தொழில்நுட்ப அறிவு திறன்கள்
மென்பொருள் மேம்பாடு திறன்கள
மூலோபாய திட்டமிடல் மற்றும் செயல்படுத்தல்
ஆராய்ச்சி மற்றும் முன்கணிப்பு திறன்கள்

இதைச் செய்ய அவர்களுக்கு உதவ, அவர்கள் தகவல் தொழில்நுட்ப (IT) வல்லுநர்கள் குழுவை நியமிக்கலாம்.

CDO பொறுப்புகள்

தலைமை டிஜிட்டல் அதிகாரி பொறுப்புகள் பொதுவாக மூன்று முக்கிய பகுதிகளில் கவனம் செலுத்துகின்றன, அவை உத்தி, செயல்பாடுகள் மற்றும் தலைமை ஆகும். CDO வின் மிக முக்கியமான பணிகளில் ஒன்று நிறுவனம் டிஜிட்டல் முயற்சிகளில் வெற்றிபெற டிஜிட்டல் உத்தியை உருவாக்குவது. இது பெரும்பாலும் ஒத்த நிறுவனங்கள் மற்றும் போட்டியாளர்களிடமிருந்து தரவரிசைப்படுத்துதல் மற்றும் நிறுவனத்தின் தற்போதைய டிஜிட்டல் திறன்களைப் புரிந்துகொள்வது ஆகும்.

Chief Digital Officer பின்னர் தலைமைக் குழு மற்றும் IT குழுவுடன் கூட்டு சேர்ந்து நிறுவனம் தங்கள் இலக்குகளை எவ்வாறு அடையலாம் என்பதற்கான திட்டத்தை பெரும்பாலும் உருவாக்க வேண்டும். தலைமை டிஜிட்டல் அதிகாரியின் வெற்றிக்கு, பயனளிக்கக்கூடிய தொழில்நுட்ப கண்டுபிடிப்புகள் குறித்து தங்களைத் தாங்களே புதுப்பித்துக் கொள்வது மிகவும் முக்கியமானது. எந்தவொரு தொழில்நுட்ப இடைவெளிகளையும் சவால்களையும் விரைவாகக் கண்டறிந்து, நிறுவனத்தின் செயல்திறனை மேம்படுத்த அவற்றிற்கு சரியான முறையில் எவ்வாறு பதிலளிப்பது என்பதைத் தீர்மானிக்க வேண்டும்.

தலைமை டிஜிட்டல் அதிகாரியின் தகுதிகள்

கல்வி

Chief Digital Officer-க்கள் பொதுவாக பொறியியல், தகவல் தொழில்நுட்பம் அல்லது வேறு தொடர்புடைய துறையில் குறைந்தபட்சம் இளங்கலை பட்டம் பெற்றிருக்க வேண்டும். அவர்கள் முதுகலை அல்லது முனைவர் பட்டம் போன்ற தொடர்புடைய மேம்பட்ட பட்டத்தையும் பெற்றிருக்கலாம். ஒரு நிறுவனத்தின் டிஜிட்டல் மாற்றத்தை திறம்பட நிர்வகிக்க தேவையான திறன்கள் பெற்றிருக்க வேண்டும். நிறுவனம் முழுவதும் உள்ள பல குழுக்களுடன் திறம்பட செயல்பட, வாடிக்கையாளர்கள் மற்றும் வெளிப்புற பங்காளிகள் திட்டமிட்டு செயல்பட வலுவான தகவல்தொடர்பு திறன்கள் பெற்றிருக்க வேண்டும்.

முடிவெடுத்தல்

அவர்கள் ஒரு சூழ்நிலையை பகுப்பாய்வு செய்து, சூழ்நிலைக்குத் தேவைப்படும்போது சிறந்த நடவடிக்கையைத் தீர்மானிக்க வேண்டும். அவர்கள் வெவ்வேறு பங்குதாரர்களுடன் இணைந்து பணியாற்றுவது மற்றும் நிறுவனத்தின் சிறந்த நலனுக்காக நன்கு அறியப்பட்ட முடிவுகளை எடுக்க பல முன்னோக்குகளை எடுக்க வேண்டும். இன்றைய காலகட்டத்தில், தரவுகளை (Messages) சேகரித்து பகுப்பாய்வு செய்வதற்கு செயற்கை நுண்ணறிவு (Artifcial Intelligence), இயந்திர கற்றல் (Machine Learning) மற்றும் இணையம் (The Internet Of Things) போன்ற தொழில்நுட்பத்தைப் பயன்படுத்த வேண்டும். இவை அனைத்தையும் CDO என்பவர் செயல்படுத்த வேண்டும். பெறப்பட்ட தரவை (Message) கொண்டு, பயனுள்ள முடிவுகளை எடுப்பது ஒரு வெற்றிகரமான Chief Digital Officer-யின் செயல் ஆகும்.