Children's Day 2024 : குழந்தைகள் தின வரலாறும் முக்கியத்துவமும்

குழந்தைகளை யாருக்கு தான் பிடிக்காது. உலகின் பல நாடுகளில் குழந்தைகள் தினம் ஒவ்வொரு ஆண்டும் வெவ்வேறு நாட்களில் விடுமுறை மற்றும் சிறப்பு நாளாக கொண்டாடப்படுகிறது. இந்தியாவின் முதல் பிரதமரான ஜவஹர்லால் நேரு 1889 ஆம் ஆண்டு நவம்பர் 14 ஆம் தேதி பிறந்தார். குழந்தைகள் மீது மிகுந்த பாசம் கொண்டவர். குழந்தைகள் நேருவை ‘நேரு மாமா’ என்று அன்புடன் அழைத்தனர். அவரது நினைவாக ஒவ்வொரு ஆண்டும் அவரது பிறந்த நாளை குழந்தைகள் தினமாக (Children’s Day 2024) கொண்டாடி வருகிறோம். நவம்பர் 14ஆம் தேதி இந்தியா முழுவதும் குழந்தைகள் தினம் கோலாகலமாகக் கொண்டாடப்படுகிறது. நேரு குழந்தைகளை நாட்டின் ஒரு உண்மையான பலமாகவும், தேசத்தின் அடித்தளமாகவும் கருதினார். குழந்தைகள் மீது அவருக்கு இருக்கும் அன்பும், அவர்களின் முன்னேற்றத்தில் அக்கறையும் இருப்பதால் அவரது பிறந்தநாளை இந்தியாவில் குழந்தைகள் தினமாகக் கொண்டாடுகிறோம்.