Chithha Movie Trailer : சித்தா படத்தின் ட்ரைலர் வெளியீடு...

நடிகர் சித்தார்த் நடிக்கும் சித்தா படத்தின் ட்ரைலர் (Chithha Movie Trailer) தற்போது வெளியாகியுள்ளது. தமிழ், தெலுங்கு, ஹிந்தி என தரமான கதாபாத்திரங்களில் நடித்து ரசிகர்களுக்கு பல படங்களை கொடுத்து வரும் சித்தார்த், தமிழில் கடந்த சில மாதங்களுக்கு முன் வெளியான டக்கர் படத்தில் நடித்தார். இந்த படம் நல்ல வரவேற்பை பெற்றது. இதையடுத்து சித்தார்த் நடிப்பில் அடுத்தடுத்து வெளியாகும் ஒவ்வொரு படமும் ரசிகர்களிடையே பெரும் எதிர்பார்ப்பை ஏற்படுத்தியுள்ளது.

தமிழ் சினிமாவின் முன்னணி தயாரிப்பாளர்களில் ஒருவரான சசிகாந்த் முதன்முறையாக இயக்குனராக களமிறங்க, மாதவன், நயன்தாரா, மீரா ஜாஸ்மின் உள்ளிட்டோர் நடிக்கும் டெஸ்ட் படத்தில் சித்தார்த் நாயகனாக நடிக்கிறார். இயக்குனர் ஷங்கர் இயக்கத்தில் உலக நாயகன் கமல்ஹாசன் முக்கிய வேடத்தில் நடிக்கும் நிலையில், தற்போது தயாராகி வரும் இந்தியன் 2 படத்தில் நடிகர் சித்தார்த் மிக முக்கியமான கதாபாத்திரத்தில் நடிக்கிறார். ஜில் ஜங் ஜக் மற்றும் அவள் உள்ளிட்ட படங்களை தயாரித்த சித்தார்த், நடிகராக மட்டுமின்றி தயாரிப்பாளராகவும் ETAKI என்டர்டைன்மென்ட் நிறுவனத்தின் சார்பில் தயாரித்து நடித்திருக்கும் திரைப்படம் தான் சித்தா. இந்த படத்தை பண்ணையாரும் பத்மினியும், சேதுபதி மற்றும் சிந்துபாத் உள்ளிட்ட படங்களை இயக்கிய இயக்குனர் S.U.அருண்குமார் சித்தா படத்தை எழுதி இயக்கியுள்ளார். சுரேஷ் பிரசாந்த் படத்தொகுப்பு செய்திருக்கும் இப்படத்திற்கு விஷால் சந்திரசேகர் பின்னணி இசை அமைத்துள்ளார். இசைமைப்பாளர் திபு நினன் தாமஸ் பாடல்களுக்கு இசைமைத்துள்ளார்.