Chiyaan 62 Latest Update : சியான் 62 படக்குழு வெளியிட்ட அப்டேட்

விக்ரம் நடித்து வரும் ‘சியான் 62’ படத்தின் அடுத்த அப்டேட்டை (Chiyaan 62 Latest Update) படக்குழு வெளியிட்டுள்ளது. நடிகர் விக்ரம் சினிமாவில் பல இன்னல்களை சந்தித்தவர். இப்போது தமிழ் சினிமாவின் முன்னணி நடிகர்களில் ஒருவராக இருக்கிறார். இவரது மகன் துருவ் விக்ரமும் சினிமாவில் நடித்து வருகிறார் என்பது குறிப்பிடத்தக்கது. ஆனால், விக்ரம் சினிமாவை விட்டு விலக விரும்பாமல் மற்ற ஹீரோக்களுக்கு டப்பிங் கொடுத்தார். பாலாவின் முதல் படமான சேது படத்தில் விக்ரம் நடித்தார். அந்த படம் மிகப்பெரிய வெற்றி பெற்றது. இதனால் விக்ரம் சினிமாவில் தனக்கென ஒரு இடத்தை பிடித்தார். சேது படத்தின் மாபெரும் வெற்றிக்குப் பிறகு விக்ரமுக்கு பட வாய்ப்புகள் குவிந்தன. ஆனால், எல்லாக் கதைகளிலும் நடிக்காமல், தன்னை நிரூபிப்பதற்காக உருவான கதைகளைத் தேர்ந்தெடுத்து நடித்தார். ஒரு பக்கம் காசி, பிதாமகன் போன்ற நடிப்புக்கு தீனி போடும் படங்களிலும், மறுபுறம் ஜெமினி, தூள், தில் போன்ற கமர்ஷியல் படங்களில் நடித்தார். இதன் மூலம் தனது கேரியரின் உச்சத்தை தொட்டு தற்போது சிறந்த நடிகர்களில் ஒருவராக அறியப்படுகிறார்.    

விக்ரம் நடிப்பில் கடைசியாக வெளியான படம் பொன்னியின் செல்வன் 2. அதில் ஆதித்த கரிகாலன் கதாபாத்திரத்தை ஏற்று மிரட்டியிருந்தார் விக்ரம். அடுத்ததாக பா.ரஞ்சித் இயக்கத்தில் வெளிவரவிருக்கும் தங்கலான் திரைப்படம் நிச்சயம் அவரது திரையுலக வாழ்க்கையில் ஒரு மைல் கல்லாக அமையும் என அவரது ரசிகர்கள் எதிர்பார்க்கின்றனர். அந்த படம் ஜனவரியில் வெளியாகும் என முதலில் அறிவிக்கப்பட்டது. ஆனால் தற்போது ஏப்ரல் மாதத்திற்கு பிறகு வெளியாகும் என எதிர்பார்க்கப்படுகிறது. மேலும் படத்தை ஆஸ்கர் விருதுக்கு அனுப்ப படக்குழு திட்டமிட்டுள்ளதாக கூறப்படுகிறது. கடந்த சில வருடங்களாக பெரிய வெற்றிக்காக காத்திருக்கும் விக்ரம், தங்கலான் படத்தின் மூலம் வெற்றி பெறுவார் என எதிர்பார்க்கப்படுகிறது. இப்படத்தின் ட்ரெய்லரும் ரசிகர்களை வெகுவாக கவர்ந்துள்ளது குறிப்பிடத்தக்கது.