Complaint Against Vijay To Chennai Commissioner : நடிகர் விஜய் மீது சென்னை கமிஷனரிடம் புகார்

இந்நிலையில், விஜய் மீது புகார் அளிக்கப்பட்டுள்ளது. புகாரின் படி, நான் மேற்கண்ட முகவரியில் சமூக ஆர்வலராக பணி செய்து வருகிறேன். இரு சக்கர வாகன பேரணி, சாலை பேரணி நடத்த  தமிழக காவல் துறை மூலமாக எந்த கட்சிக்கும், இயக்கத்திற்கும், அமைப்புக்கும் அனுமதி இல்லை என கூறப்பட்டுள்ளது. நடிகர் விஜய் தேர்தல் விதிகளை மீறி நீலாங்கரையில் வாக்களிக்கும் அவரின் வாக்குசாவடியில் 200க்கும் மேற்பட்ட நபர்களை அத்துமீறி கூட்டினார். இது பொது மக்களுக்கு இடையூறு ஏற்படுத்துதல், தேர்தல் ஆணையத்தின் உத்தரவின் படி வாக்குச்சாவடியில் இருந்து 100 மீட்டர் வரை 10க்கும் மேற்பட்ட நபர்கள் ஒன்றாக கூடி வரக்கூடாது என்ற விதியை மீறுவதாக உள்ளது. நடிகர் விஜய் தனது சுயநல விளம்பரத்திற்காக நீலாங்கரை மக்களுக்கு இடையூறாக செயல்பட்டு போக்குவரத்து விதிமீறல்களில் சாலைகளில் பொதுமக்களுக்கு இடையூறு ஏற்படுத்தி இளைஞர்கள் மத்தியில் தவறான நோக்கத்தை கொண்டு வருகிறார்.

நடிகரும் த.வெ.க.தலைவருமான விஜய் வாக்குசாவடியில் வாக்களிக்க காத்திருந்தவர்களை அவமதித்து வரிசையில் நின்று வாக்களிக்காமல் காவல் துறையினரின் உதவியுடன் தனது வாக்கை செலுத்தினார். கட்சி ஆரம்பித்த சில நாட்களிலேயே அவர் இப்படி செய்வது சரியல்ல, அவமானம். இப்படி செயல்படுவது மாற்று அரசியலா? அரசியல் பழகும் இளைய தலைமுறைக்கு இவர் கொடுக்கும் அரசியல் பாடம் இதுதானா? இவருடைய படம் வெளியாகும் போது பால் பாக்கெட்டை திருடி கட்அவுட்டுக்கு அபிஷேகம் செய்யும் இளைஞர்களை இவரா நல்வழிப்படுத்துவார். எனவே, தேர்தல் வீதிகளை மீறிய த.வெ.க தலைவரும், நடிகருமான விஜய் மீது இந்திய தண்டனைச் சட்டம் ஐபிசி  143, 290, 357, 171 (F) பிரிவுகளின் கீழ் சட்டப்படி நடவடிக்கை எடுக்குமாறு தாழ்மையுடன் கேட்டுக்கொள்கிறேன் என்று புகார் (Complaint Against Vijay To Chennai Commissioner) அளிக்கப்பட்டுள்ளது.