Dear Exes First Look : டியர் எக்ஸஸ் படத்தின் ஃபர்ஸ்ட் லுக் வெளியீடு

நடிகை நித்யா மேனனின் அடுத்த படத்தின் பர்ஸ்ட் லுக் போஸ்டர் (Dear Exes First Look) மற்றும் டைட்டில் வெளியாகி கவனம் ஈர்த்துள்ளது. நேற்று நித்யா மேனனின் பிறந்தநாளில் அவர் நடிக்கும் டியர் எக்ஸஸ் படத்தின் போஸ்டர் வெளியாகியுள்ளது. நடிகை நித்யா மேனன் நேற்று தனது பிறந்தநாளை கொண்டாடினார். தமிழ், தெலுங்கு, மலையாளம், கன்னடம், ஆங்கிலம் என பல்வேறு மொழி படங்களில் நடித்தவர் நித்யா மேனன். நட்சத்திர அந்தஸ்துக்காக அல்லாமல், மக்கள் மத்தியில் பெரிய தாக்கத்தை ஏற்படுத்தும் கதைகளை அவர் தேர்ந்தெடுத்து நடித்து வருகிறார். தமிழில் சித்தார்த் நடித்த 180 படத்தின் மூலம் கதாநாயகியாக அறிமுகமானவர் நித்யா மேனன். இதன் பிறகு வெப்பம், மணிரத்னத்தின் ஓ காதல் கண்மணி, காஞ்சனா 2, மெர்சல், 24, சைக்கோ, இருமுகன், திருச்சிற்றம்பலம் போன்ற படங்களில் நடித்தார். ஓ காதல் கண்மணி படம் நித்யா மேனனின் கேரியரில் ஒரு முக்கிய படமாக அமைந்தது.