Dear Movie Trailer : டியர் திரைப்படத்தின் ட்ரெய்லர் வெளியீடு

கணவன்-மனைவி இடையே குறட்டை பிரச்சனை எவ்வளவு தீவிரமான பிரச்சனையாக இருக்கிறது என்பதை குறட்டை பற்றி வெளியாகும் படங்களை பார்த்தாலே தெரிந்து கொள்ளலாம். கடந்த ஆண்டு மணிகண்டன் நடிப்பில் வெளியான குட் நைட் படமும் ஒரே ஒரு குறட்டையால் குடும்பத்தில் ஏற்படும் பிரச்சனைகளை காட்டியது. அதுவும் ஒரு சமூகத்தில் ஆண் குறட்டை விடுவதும் அதே சமூகத்தில் பெண் குறட்டை விடுவதற்கும் நிறைய வித்தியாசங்கள் இருக்கின்றன.

ஆண்கள் சந்திக்கும் பிரச்சனைகளை விட பெண்கள் இந்த விஷயத்தில் சந்திக்கும் பிரச்சனைகளை நாம் கற்பனை செய்து பார்க்கலாம். அப்படியொரு பிரச்சனையை மையமாக வைத்து எடுக்கப்பட்ட படம் டியர். இன்ஜினியரிங் படித்துவிட்டு செய்தி வாசிப்பாளரான ஹீரோ ஜி.வி.பிரகாஷ் இவரது குடும்பம். இன்னொரு பக்கம் ஹீரோயின் ஐஸ்வர்யா ராஜேஷ். லைட்டா சத்தம் கேட்டதும் தூக்கத்தில் இருந்து விழிக்கும் ஹீரோ, கர்ஜிக்கும் சிங்கம் போல குறட்டை விடுகிற நாயகி. இவர்கள் இருவருக்கும் திருமணமான முதல் இரவிலேயே குறட்டை பிரச்சனை தொடங்குகிறது. அத்தகைய சிக்கலைத் தீர்ப்பது மிகவும் சிக்கலானது. ஆனால் குட் நைட் படத்தில், ஒரு தீர்வை விட யதார்த்தமான முறையில் மிகவும் கவித்துவமான தீர்வு சொல்லப்பட்டது. இந்த முறை டியர் டீம் என்ன மாதிரியான தீர்வைக் கொண்டு வரும் என்பதைப் பார்க்க ஏப்ரல் 10 வரை காத்திருக்க வேண்டும்.