Decision To Increase The Production Of Trains : சென்னை ICF-ல் 2023-24-ல் 736 வந்தே பாரத் ரயில் பெட்டிகள் தயாரிக்கப்பட உள்ளன

சென்னை பெரம்பூரில் அமைந்துள்ள  ரயில் பெட்டி தொழிற்சாலை ICF ஆனது முதலில் ICF ரயில் பெட்டிகளை மட்டுமே தயாரித்து வந்தது. தற்போது ICF ஆனது LHB (Linke Hofmann Busch), EMU (Electric Multiple Unit), வந்தே பாரத் ரயில் பெட்டிகள் உள்ளிட்டவற்றை தயாரித்து வருகிறது. EMU பெட்டிகள் வந்தே பாரத் எக்ஸ்பிரஸ் ரயில்களிலும் இணைக்கப்பட்டு பயன்படுத்தப்படுகிறது. இதுதவிர மெட்ரோ பெட்டிகள், DMU எனப்படும் டீசல் மல்டிபிள் யூனிட், மெமு ரயில் பெட்டிகள் உள்ளிட்டவற்றையும் தயாரித்து பயன்பாட்டிற்கு கொண்டு வந்துள்ளது. சுற்றுச்சூழலுக்கு மாசு ஏற்படுத்தாத வகையில் மின்சாரத்தை உந்து சக்தியாக கொண்டு இந்த ரயில் பெட்டிகள் தன்னைத் தானே முன்னால் நகர்த்தி செல்கின்றன. இந்த வந்தே பாரத் ரயிலை தயாரிக்க ஒரு ரயிலுக்கு ரூபாய் 100 கோடி வரை இந்திய ரயில்வே நிர்வாகம் (Decision To Increase The Production Of Trains) செலவு செய்கிறது.

பயணிகள் மத்தியில் நாட்டின் பல்வேறு நகரங்களுக்கு இடையே இயக்கப்படும் அதிநவீன வந்தே பாரத் ரயில்களுக்கு நல்ல வரவேற்பு கிடைத்துள்ள நிலையில்,  ரயில்வே நிர்வாகம் அதன் தயாரிப்பை அதிகரிக்க முடிவு செய்துள்ளது. அதன்படி, 2023-24ம் நிதியாண்டில் சென்னை ICF-ல் 736 வந்தே பாரத் ரயில் பெட்டிகள் தயாரிக்கப்பட உள்ளன. அவை 16 பெட்டிகளை கொண்ட வந்தே பாரத் ரயில்கள் மற்றும் 8 பெட்டிகள் கொண்ட வந்தே பாரத் ரயில்கள் ஆக இருக்கும். ரயில்வேதுறை ஆனது இதற்கான அறிவிப்பை  ICF-க்கு அனுப்பியுள்ளது. சென்னை ICF தவிர, உத்தரப்பிரதேச மாநிலம் ரேபரேலி, மகாராஷ்டிரா மாநிலம் லத்தூர், அரியாணா மாநிலம் சோனிபட் ஆகிய இடங்களில் உள்ள தொழிற்சாலைகளிலும் வந்தே பாரத் ரயில் தயாரிக்க (Decision To Increase The Production Of Trains) திட்டமிட்டுள்ளதாக தெரிவித்துள்ளது. இந்த 3 தொழிற்சாலைகளையும் சேர்த்து மொத்தம் 1,047 வந்தே பாரத் ரயில் பெட்டிகள் ஆனது  தயாரிக்கப்படவுள்ளன.