Deepavali Train Ticket Booking: ரயில் டிக்கெட் முன்பதிவு சில நிமிடங்களில் விற்று தீர்ந்தன

இந்த வருடம் தீபாவளி பண்டிகையானது வருகின்ற நவம்பர் மாதம் 12ஆம் நாள் கொண்டாடப்பட உள்ளது. இது ஞாயிற்றுக்கிழமையில் வருவதால் கூட்டம் இன்னும் அலைமோதும். இதனால் சென்னையில் இருந்து சொந்த ஊருக்கு செல்லும் மக்கள் பல பேர் பேருந்து கிடைக்காமல் கஷ்டப்படுகிறார்கள். இதை சரி செய்யும் விதமாக ரயிலில் இரு நாளுக்கு முன்னதாகவே ரயில் மூலம் செல்ல புக்கிங் தொடங்கியது. நேற்று காலை 8 மணி அளவில் தொடங்கிய முன்பதிவில் ஆன்லைன் மூலம் முன்பதிவு செய்ய ஏராளமான மக்கள் ஆர்வமுடன் காத்திருந்தனர்.

முன்பதிவானது ஆரம்பித்த முதல் 10 நிமிடங்களிலேயே பெரும்பாலான டிக்கெட்டுகள் காலியானது. முக்கியமாக சென்னையில் இருந்து மதுரை செல்லும் ரயில்கள் மற்றும் திருநெல்வேலி செல்லும் ரயில்கள் டிக்கெட் காலி ஆகின. அதற்கு அடுத்து கன்னியாகுமரி செல்லும் படுக்கை வசதி கொண்ட டிக்கெட்டுகளும் விற்று தீர்ந்தன. இதற்கு அடுத்து நவம்பர் 10ஆம் தேதி பயணம் செய்ய விரும்பும் நபர்களுக்கான டிக்கெட் முன்பதிவு இன்று காலை 8 மணிக்கு தொடங்கியது. இன்று காலையும் முன்பதிவு தொடங்கிய சில நேரத்தில் டிக்கெட்டுகள் காலி ஆகிவிட்டன.