Demolition Of Thermal Power plant Started : NLC முதல் அனல் மின் நிலையம் இடிக்கும் பணி தொடக்கம்

இந்நிலையில் நெய்வேலி என்.எல்.சி-யின் முதல் அனல் மின் நிலையம் இடிக்கும் பணி தொடங்கி நடைபெற்று (Demolition Of Thermal Power plant Started) வருகிறது. கடலூர் மாவட்டம் நெய்வேலியில் கடந்த 1962-ம் ஆண்டு நிலக்கரி மூலம் மின்சாரம் தயாரிக்கும் அனல் மின் நிலையம் தொடங்கப்பட்டது. இதிலிருந்து 600 மெகாவாட் மின்சாரம் உற்பத்தி செய்யப்பட்டு வந்தது. இந்த மின் நிலையம் ஜெர்மன் மற்றும் ரஷ்ய தொழில்நுட்பங்களுடன் வடிவமைக்கப்பட்டது.

இந்த அனல் மின் நிலையத்திற்கான கால அளவு 22 ஆண்டுகளாக நிர்ணயிக்கப்பட்டது. அத்தகைய மின் நிலையம் சில முறை புதுப்பிக்கப்பட்டு மீண்டும் தொடங்கப்பட்டது. உலக அளவில் அனல் மின் நிலையம் 20 ஆண்டுகளுக்கு மேல் இயங்கக் கூடாது என வரையறுக்கப்பட்டுள்ளது. இதையடுத்து முதல் என்.எல்.சி அனல் மின் நிலையத்தின் ஆயுட்காலம் முடிந்த நிலையில், அனல் மின் நிலையத்தை மூட மத்திய பசுமை தீர்ப்பாயம் உத்தரவிட்டது. அதன் பேரில் நெய்வேலி என்.எல்.சி முதல் மின் நிலையம் செப்டம்பர் 2020 முதல் மூடப்பட்டது. இந்த மின் நிலையம் மூடப்பட்டதால் மின் உற்பத்தியை ஈடுகட்ட புதிய மின் நிலையம் செயல்படத் தொடங்கியது. இந்நிலையில் பாதுகாப்புக்காக என்.எல்.சி முதல் மின் நிலையத்தை இடிக்கும் பணி (Demolition Of Thermal Power plant Started) தொடங்கியுள்ளது. இடிக்கும் பணி நடைபெற்று வருவதால் முதல் அனல் மின்நிலைய பகுதிக்குள் தொழிலாளர்கள் மற்றும் பொதுமக்கள் செல்ல தடை விதிக்கப்பட்டு பலத்த பாதுகாப்புக்கு ஏற்பாடு செய்யப்பட்டுள்ளது.