Dhanush Tribute To Vijayakanth : விஜயகாந்துக்கு பாடல் மூலம் அஞ்சலி செலுத்திய தனுஷ்

இந்நிலையில், கேப்டன் மில்லர் படத்தின் ப்ரீ ரிலீஸ் ஈவண்ட் நேற்று சென்னை நேரு ஸ்டேடியத்தில் நடைபெற்றது. இதில் தனுஷ், சிவராஜ்குமார், பிரியங்கா மோகன், சந்தீப் கிஷன், ஜி.வி.பிரகாஷ், இயக்குனர் அருண் மாதேஸ்வரன் உள்ளிட்ட படக்குழுவினர் அனைவரும் கலந்துகொண்டனர். இந்த விழாவில் இரண்டு நடிகர்களின் மறைவுக்கு மெளன அஞ்சலி செலுத்தப்பட்டது. முதலாவதாக அண்மையில் மரணமடைந்த நடிகரும், அரசியல்வாதியுமான கேப்டன் விஜயகாந்த் மறைவுக்கு அனைவரும் எழுந்து நின்று 2 நிமிடம் மெளன அஞ்சலி செலுத்தினர். இதையடுத்து மறைந்த கன்னட நடிகர் புனித் ராஜ்குமாரின் மறைவுக்கும் அஞ்சலி செலுத்தப்பட்டது. இவர் நடிகர் ஷிவராஜ்குமாரின் சகோதரர் ஆவார். இதுமட்டுமின்றி நடிகர் தனுஷ் மேடையில் பேச வரும்போது, கேப்டன் விஜயகாந்தின் மறைவுக்கு பாடல் மூலம் (Dhanush Tribute To Vijayakanth) அஞ்சலி செலுத்தினார்.

கேப்டனின் வைதேகி காத்திருந்தாள் திரைப்படத்தில் இடம்பெறும் ராசாவே உன்ன காணாத நெஞ்சு பாடலை பாடி அஞ்சலி செலுத்தினார். அந்த பாடலை தனுஷ் உடன் சேர்ந்து அங்கு வந்திருந்த ரசிகர்களும் பாடி விஜயகாந்திற்கு அஞ்சலி செலுத்தினர். விஜயகாந்த் மறைவின் போது, நடிகர் தனுஷ் புத்தாண்டு கொண்டாட்டத்திற்காக லண்டன் சென்றிருந்தார். இதன் காரணமாக விஜயகாந்தின் உடலுக்கு அவரால் நேரில் அஞ்சலி செலுத்த முடியாமல் போனது. இந்நிலையில் விஜயகாந்த் மறைவுக்கு பின் பங்கேற்ற முதல் நிகழ்ச்சியில் கேப்டனுக்காக தனுஷ் செய்த செயல் நெகிழ்ச்சியை ஏற்படுத்தியுள்ளது.