Dhruva Natchathiram Release Date : தீபாவளி ரிலீசுக்கு தயாராகும் விக்ரமின் 'துருவ நட்சத்திரம்'

நடிகர் விக்ரம் நடிப்பில் நீண்ட நாட்களாக ரிலீசாகாமல் ரசிகர்களை சோதித்து வரும் படம் ‘துருவ நட்சத்திரம்’ ஆகும். விக்ரம், கௌதம் மேனன் கூட்டணியில் உருவாகியுள்ள இந்தப் படத்தில் பல முன்னணி நட்சத்திரங்கள் நடித்துள்ளனர். ஆனால், 2017ஆம் ஆண்டு தொடங்கப்பட்ட இந்தப் படத்தின் பணிகள் முடிவடைந்துள்ள நிலையில், படம் எப்போது வெளியாகும் (Dhruva Natchathiram Release Date) என்ற தகவல் வெளியாகியுள்ளது.

நடிகர் விக்ரம் தொடர்ந்து சிறப்பான கதைக்களங்களில் தன்னை இணைத்துக் கொண்டு வெற்றிப்படங்களை வழங்கி வருகிறார். பட வாய்ப்புகள் இல்லாமல் இருந்த விக்ரமுக்கு சிறந்த வாய்ப்பாக அமைந்தது சேது படம் அமைந்தது. அந்தப் படத்தில், அவர் தனது இரட்டை கெட்டப்பால் பார்வையாளர்களை அதிர வைத்தார். தொடர்ந்து ரசிகர்ளுக்கு இந்த அதிர்வுகள் அவரது அடுத்தடுத்த படங்கள் மூலம் பெற்று வருகின்றனர். அந்த வகையில் சமீபத்தில் இவர் நடித்த பொன்னியின் செல்வன் படம் மாபெரும் வெற்றி பெற்றது. இதற்கிடையில் பா.ரஞ்சித் இயக்கியுள்ள அடுத்த படமான தங்கலான் திரைப்படம் ரிலீசுக்கு தயாராகி வருகிறது. விடுதலைக்கு முந்தைய காலகட்டத்தை மையமாக வைத்து உருவாகியுள்ள இப்படத்தின் போஸ்டர்கள் வெளியாகி ரசிகர்களை மிரட்டியுள்ளது. இப்படத்தில் விக்ரம் இரண்டு வித்தியாசமான கேரக்டரில் நடிக்கிறார் என்று செய்திகள் வெளியாகியுள்ளன. இப்படத்தில் விக்ரமின் கெட்டப் படத்திற்கு பெரும் எதிர்பார்ப்பை ஏற்படுத்தியுள்ளது.

இந்த படத்திற்கு முன்னதாக விக்ரமின் துருவ நட்சத்திரம் படம் ரிலீஸுக்கு (Dhruva Natchathiram Release Date) தயாராக உள்ளது. இந்த படம் 2017 இல் தொடங்கப்பட்ட நிலையில், தவிர்க்க முடியாத காரணங்களால் படம் கிடப்பில் போடப்பட்டது. இதற்கிடையில், சில மாதங்களுக்கு முன்பு படம் தூசிதட்டப்பட்டு, படத்தின் படப்பிடிப்பு மீண்டும் தொடங்கபட்டது. இந்தப் படத்தின் வெளியீடு குறித்த செய்திகள் தொடர்ந்து வெளியாகி ரசிகர்களின் பொறுமையைச் சோதித்துக்கொண்டிருந்தன. அறிவிப்பின்போதே பெரும் எதிர்பார்ப்பை ஏற்படுத்திய இப்படத்தை ரசிகர்கள் மறந்துவிட்ட நிலையில், இந்த படத்தின் மீதமுள்ள காட்சிகளை கடந்த வருடத்தில் படமாக்கி முடித்துள்ளார் இயக்குனர் கவுதம் மேனன். இந்நிலையில் இந்த படத்தின் வெளியீடு குறித்து மற்றொரு தகவல் வெளியாகியுள்ளது. இப்படம் தீபாவளி ரேஸில் சேரும் என தகவல்கள் தெரிவிக்கின்றன. இதன் பிறகு இந்த முறையாவது நடக்குமா என்ற கேள்வி ரசிகர்கள் மத்தியில் எழுந்துள்ளது.

இப்படத்தில் ரிது வர்மா, ஐஸ்வர்யா ராஜேஷ், சிம்ரன், பார்த்திபன் மற்றும் பலர் முக்கிய கதாபாத்திரங்களில் நடிக்கின்றனர். படத்தில் சில மாற்றங்கள் செய்யப்பட்டுள்ளதால் ஐஸ்வர்யா ராஜேஷ் படத்திலிருந்து நீக்கப்பட்டுள்ளதாக கூறப்படுகிறது. சமீபத்தில் மீண்டும் வெளியிடப்பட்ட பாடலில் ஐஸ்வர்யா ராஜேஷ் காட்சிகள் நீக்கப்பட்டன. அந்தக் காட்சிகளில் விக்ரம் மற்றும் ரிது வர்மா மட்டுமே இடம்பெற்றிருந்தனர். ஆனால், இதை படக்குழு அதிகாரப்பூர்வமாக அறிவிக்கவில்லை. இந்த படத்தில் ஜான் என்ற கேரக்டரில் விக்ரம் நடித்துள்ளார். படத்தில் அவர் மிகவும் ஸ்டைலாக காணப்படுகிறார். இப்படத்தின் ட்ரைலர் வெளியாகி மாஸ் காட்டியது. இப்படத்தில் சிம்ரன், ராதிகா இருவரும் நடித்திருப்பது படத்திற்கு பெரும் எதிர்பார்ப்பை ஏற்படுத்தியுள்ளது. இப்படம் இரண்டு பாகங்களாக வெளியாகும் என கூறப்படும் நிலையில், முதல் பாகம் தீபாவளி வெளியீடாக வெளியாகும் (Dhruva Natchathiram Release Date) என கூறப்படுகிறது.