Dragon Movie Review : டிராகன் திரைப்படத்தின் திரை விமர்சனம்

லவ் டுடே படத்திற்குப் பிறகு இந்தப் படத்தில் நடிகராக பிரதீப் ரங்கநாதன் மிகவும் மேம்பட்டுள்ளார். முதல் காட்சியில் இருந்து கடைசி காட்சி வரை தனது நடிப்பால் மிரட்டுகிறார். நகைச்சுவை காட்சிகள்  ரசிகர்களை தியேட்டரில் சிரிக்க வைத்துக் கொண்டே (Dragon Movie Review) இருக்கிறது. ஹீரோ மட்டும் சிரிக்காமல் மற்றவர்கள் அனைவரையும் சிரிக்க வைக்கும்படியான படமாக இந்த டிராகன் படம் உள்ளது. அனுபமா பரமேஸ்வரன் காதலியாகவும், வேறு ஒருவரை திருமணம் செய்துக் கொள்ள பிரதீப் ரங்கநாதனை பிரேக்கப் செய்யும் இடங்களிலும் நடிப்பால் கைதட்டல்களை பெறுகிறார். அவரது போர்ஷன் முதல் பாதியில் முடியாமல் இரண்டாம் பாதியில் எதிர்பாராத கம்பேக்காக அமைவது தான் படத்தின் பிளஸ். பிரேமம், டான் என அனைத்து படங்களையும் வச்சு செய்துள்ளார் இயக்குநர் அஸ்வத் மாரிமுத்து.

ஏமாற்றி வாழ்க்கையில் முன்னேற முடியாது. படித்தால்தான் முன்னேற முடியும். குறுக்கு வழி எப்போதும் சறுக்கி விட்டு விடும் என்பதை மிஷ்கினை வைத்து சொல்லப்பட்ட செய்தி இளைஞர்களுக்கு தேவையான பாடமாக அமைந்துள்ளது. பிரதீப் ரங்கநாதன் – மிஷ்கின் கெமிஸ்ட்ரி படத்திற்கு மிகப்பெரிய பலம். அனுபமா பரமேஸ்வரன், கௌதம் மேனன், கயாடு லோஹர், பிரதீப் ரங்கநாதனின் அப்பாவாக நடித்துள்ள ஜார்ஜ் மரியம் என நடிகர்கள் (Dragon Movie Review) அனைவரையும் இயக்குநர் அஸ்வத் மாரிமுத்து வீணடிக்காமல் சிறப்பாகப் பயன்படுத்தியிருப்பது சிறப்பு. பக்க பலமாக இசையமைப்பாளர் லியோன் ஜேம்ஸின் பாடல்களும் பின்னணி இசையும் இளைஞர்களை ஆட வைக்கிறது. அஸ்வத் மாரிமுத்து ஒரு முழுமையான தொகுப்புப் படத்தைத் கொடுத்துள்ளார்.