Driverless Metro Train : OCT 26-ல் ஓட்டுநர் இல்லாத மெட்ரோ ரயிலின் சோதனை ஓட்டம்

ஓட்டுநர் இல்லாத மெட்ரோ ரயிலின் (Driverless Metro Train) சோதனை ஓட்டம் வரும்  OCT 26ம் தேதி நடத்தப்பட உள்ளதாக மெட்ரோ ரயில் நிர்வாகம் அறிவித்துள்ளது.  இந்த அறிவிப்பானது பயணிகளிடம் மிகப்பெரிய எதிர்பார்ப்பை ஏற்படுத்தி வருகிறது. இரண்டாம் கட்ட மெட்ரோ ரயில் திட்டத்தில் ஓட்டுநர் இல்லாத மெட்ரோ ரயில்கள்  தயாரித்து செயல்படுத்த சென்னை மெட்ரோ ரயில் நிறுவனம் ஆனது  முடிவு செய்தது. இந்த மெட்ரோ ரயில்கள் (Driverless Metro Train) மாதவரம் பால் பண்ணையில் தொடங்கி சென்னை சிறுசேரி சிப்காட் வரையிலும் (45.4 கி.மீ), சென்னை கலங்கரை விளக்கத்தில் தொடங்கி சென்னை பூந்தமல்லி பணிமனை வரையிலும் (26.1 கி.மீ), சென்னை மாதவரத்தில் தொடங்கி சோழிங்கநல்லூர் வரையிலும் (44.6 கி.மீ) என 116.1 கி.மீ. தொலைவில் 3 வழித்தடங்களில் செயல்படுத்தப்பட உள்ளன. 

சென்னை மெட்ரோ ரயில் நிறுவனம் ஆனது அல்ஸ்டோம் டிரான்ஸ்போர்ட் இந்தியா நிறுவனத்துக்கு மெட்ரோ ரயில்களை (Driverless Metro Train) தயாரித்து வழங்க ஒப்பந்தம் செய்துள்ளது. இந்த ஒப்பந்தத்தின் கீழ் ஆந்திர மாநிலம் சிட்டியில் மெட்ரோ ரயிலுக்கான பெட்டிகள் தயாரிப்பு பணி தொடங்கப்பட்டு தீவிரமாக நடைபெற்று வருகின்றன.