ஈரானின் Drone And Missile Attack தொடர்ந்து இஸ்ரேலில் நிலவும் பதற்றம்

சிரியா, லெபனான் எல்லையில் அமைந்துள்ள கோலன் ஹெய்ட்ஸ் மற்றும் தெற்கு பகுதியில் உள்ள நெவடிம்ம் டிமோனா மற்றும் செங்கடல் பகுதியிலமைந்துள்ள எய்லாட் ஆகிய பகுதிகளில் வசிபவர்கள் பாதுகாப்பான இடங்களிலேயே செல்ல அறிவுறுத்தப்பட்டனர். இஸ்ரேல் தனது வான்பரப்பு முழுவதையும் மூடி அனைத்து விமானங்களையும் ரத்து செய்துள்ளது. அமெரிக்க அதிபர் ஜோ பைடன்  அமெரிக்காவில் தனது கடற்கரை இல்லத்திற்கு மேற்கொண்டிருந்த பயணத்தை ரத்து செய்துவிட்டு அவசரமாக வெள்ளை மாளிகை திரும்பி அவசர ஆலோசனை மேற்கொண்டு வருகிறார். ஈரான் இஸ்ரேல் மீது வெடிகுண்டுகளை சுமந்துகொண்டு 100க்கும் மேற்பட்ட ட்ரோன்கள் மூலமாக தாக்குதல் நடத்தியது.

அமெரிக்கா ராணுவம் ஈரானிய ட்ரோன்களை சுட்டு வீழ்த்தி வருகிறது. மேலும், சிரியாவிலும் பல இடங்களில் தாக்குதல் நடத்தப்பட்டு வருகிறது. ஏற்கெனவே, இஸ்ரேல் – காசாவிற்கு இடையே போர் நிலவியபோது இஸ்ரேயலுக்கு தேவையான போர் உதவிகள், ஆலோசனைகள் போன்றவற்றை அமெரிக்கா தொடர்ந்து வழங்கியது. இதேபோல தான், தற்போது ஈரான் நடத்திய தாக்குதலிலும் அமெரிக்கா எல்லவித உதவிகளையும் இஸ்ரேயலுக்கு வழங்குவது குறித்து இந்த ஆலோசனையில் விவாதிக்கப்பட்டு வருவதாக தகவல்கள் தெரிவிக்கிறது. இதன்காரணமாக, இஸ்ரேலுக்கு ஆதரவாக ட்ரோன்களை தடுத்து நிறுத்தும் பணியில் அமெரிக்கா ராணுவம் ஈடுபட்டுள்ளது. முதற்கட்டமாக 50-க்கும் மேற்பட்ட ஈரானிய ட்ரோன்கள் இஸ்ரேயலை நோக்கி ஏவப்பட்டுள்ளன என்பது குறிப்பிடத்தக்கது.