Droupadi Murmu Presents Padma Awards : நடிகர் அஜித் மற்றும் ரவிச்சந்திர அஸ்வின் உள்ளிட்டோருக்கு பத்ம விருது வழங்கினார் குடியரசுத் தலைவர்

பத்மஸ்ரீ, பத்ம பூஷண், பத்ம விபூஷண் ஆகிய 3 பிரிவுகளின் கீழ் ஆண்டுதோறும் விருதுகள் வழங்கப்படுகின்றன. இந்நிலையில் 2025-ம் ஆண்டுக்கான பத்ம விருதுக்கு தேர்வு செய்யப்பட்டவர்களின் பட்டியலை கடந்த ஜனவரி 25-ம் தேதி மத்திய அரசு வெளியிட்டது. இதில் பத்மஸ்ரீ விருதுக்கு 113 பேரும், பத்ம பூஷண் விருதுக்கு 19 பேரும், பத்ம விபூஷண் விருதுக்கு 7 பேரும் என மொத்தம் 139 பேர் தேர்வு செய்யப்பட்டிருந்தனர். இந்த நிலையில் 2025-ம் ஆண்டுக்கான பத்ம விருதுகள் வழங்கும் விழாவானது டெல்லியில் உள்ள குடியரசுத் தலைவர் மாளிகையில் உள்ள தர்பார் மண்டபத்தில் (Droupadi Murmu Presents Padma Awards) நடைபெற்றது. இதில் முதல்கட்டமாக 71 பேருக்கு மட்டும் குடியரசுத் தலைவர் திரௌபதி முர்மு அவர்கள் பத்ம விருதுகளை வழங்கி கவுரவித்தார். மீதம் உள்ள 68 பேருக்கு ஓரிரு நாட்களில் பத்ம விருது வழங்கப்படும் என குடியரசு தலைவர் மாளிகை தெரிவித்துள்ளது.