Gadar 2 Movie Review : Gadar 2 திரைப்படம் இன்று திரையரங்குகளில் வெளியாகியுள்ளது...

சன்னி தியோல் மற்றும் அமீஷா படேல் நடித்த கதர் 2 திரைப்படம் இன்று திரையரங்குகளில் வெளியாகியுள்ளது. ஏற்கனவே பெரிய சங்கிலிகளில் சுமார் 2.7 லட்சம் டிக்கெட்டுகள் விற்கப்பட்டுள்ளன. (Advance Booking – முன்கூட்டிய விற்பனை). இது மிகப்பெரிய எண்ணிக்கையாகும்.

சமீபத்திய தகவல்களின்படி ‘கதர் 2’-ன் அற்புதமான ஆரம்பகால டிக்கெட் விற்பனை ஆனது சிங்கிள் தியேட்டர்களில் ஷாருக்கின் ‘பதான்’ படத்தையும் இந்தப் படம் விஞ்சும் என்று சுட்டிக்காட்டுகிறது.

இந்தியாவில் உள்ள முக்கிய மல்டிபிளக்ஸ் சினிமா சங்கிலிகள் ஏற்கனவே கதர் 2 படத்தின் முன்பதிவாக சுமார் 1,80,000 லட்சம் டிக்கெட்டுகளை விற்றுள்ளன. இந்தப்படத்தின் முன்பதிவு வசூல் ஆனது அதன் ஒட்டுமொத்த பாக்ஸ் ஆபிஸ் வெற்றிக்கு கணிசமாக பங்களிக்கும் என்று எதிர்பார்க்கப்படுகிறது.

இன்றுவரை இந்தியாவில் இந்த ஆண்டின் மிகப்பெரிய பிளாக்பஸ்டராக நம்பர் கேமில் இருந்து வரும் ‘பதான்’ படத்தை இந்த ‘கதர் 2’ முறியடிக்குமா என்பது சுவாரஸ்யமாக இருக்கும். இயக்குனர் அனில் சர்மாவின்  Gadar 2 படத்தில் சன்னி தியோல், அமீஷா பட்டேல், உத்கர்ஷ் ஷர்மா, மனிஷ் வாத்வா, டோலி பிந்த்ரா, கௌரவ் சோப்ரா போன்ற திறமையான பிரபல நடிகர்கள் நடித்துள்ளனர்.

கதர் 2 படத்தில் சன்னி தியோல் மீண்டும் தாரா சிங்காகவும், அமீஷா படேல் மீண்டும் சகினாவாகவும் நடித்துள்ளனர். தாரா சிங்கின் மகனாக அசல் கதர் படத்தில் நடித்த அதே உத்கர்ஷ் ஷர்மா, தற்போது வளர்ந்து கதர் 2 படத்தில் அதே மகன் வேடத்தில்  நடித்துள்ளார். மேலும் உத்கர்ஷ் சர்மா இந்த படத்தில் ராணுவ வீரராக நடித்துள்ளார். தாரா சிங் இம்முறை தனது அதிகாரத்தை பயன்படுத்தி தனது மகனை பாகிஸ்தான் ராணுவத்தின் பிடியில் இருந்து காப்பாற்றுவார்.

கதர் 2 படத்தின் கதையை எழுத்தாளர் சக்திமான் தல்வார் எழுதியுள்ளார் மற்றும் இயக்குனர் அனில் சர்மா இயக்கியுள்ளார். அந்தக் காலத்தில் இந்தியாவும் பாகிஸ்தானும் பிரிந்தபோது குடும்பம், நண்பர்கள், நெருங்கியவர்கள் அனைவருக்கும் வேதனையாக இருந்தது மற்றும் மிகவும் கஷ்டப்பட்டார்கள்.

இந்தியாவுக்கும் பாகிஸ்தானுக்கும் இடையிலான பிரிவினை பற்றிய இந்தக் கதையில்,  அந்த  பிரிவினையின் போது நடந்த சகினா மற்றும் தாராவின் காதல் கதை ஆனது நம்பமுடியாத அளவிற்கு அருமையாக படத்தில் காட்டப்பட்டுள்ளது. அந்த காதல் கதையை  இயக்குனர் அனில் சர்மா அழகாக சித்தரித்துள்ளார். சன்னி தியோல் மற்றும் அமீஷா படேல் இடையேயான கெமிஸ்ட்ரி படத்தின் முக்கிய சிறப்பம்சமாக இருக்கும் என எதிர்பார்க்கப்படுகிறது.

கடந்த 22 ஆண்டுகளாக தாரா சிங்கும் அவரது மகன் ஜீத்தேவும் இந்தியாவில் மகிழ்ச்சியாக வாழ்ந்து வருகின்றனர். கடத்தப்பட்ட மகனை மீட்க தாரா சிங் இப்போது பாகிஸ்தானுக்குத் திரும்ப வேண்டும். தனது மகன் சரண்ஜீத்தை தாரா வீட்டிற்கு அழைத்து வர பாகிஸ்தானுக்கு செல்கிறார். இதற்கிடையில் தாராவின் பயணம், அவர் கடந்து செல்லும் சவால்கள் ஏராளம். தனது மகனுக்காகவும், கடினமான காலங்களில் நாட்டை வெல்லவும் தாரா சிங் போராடுகிறார்.