Gaganyaan And Chandrayaan-4 ISRO Announced Dates : ககன்யான் மற்றும் சந்திரயான்- 4 தேதிகளை அறிவித்தார் இஸ்ரோத தலைவர் சோமநாத்

மேலும் இஸ்ரோ ஜப்பான் நாட்டின் விண்வெளி நிறுவனமான ஜாக்ஸா உடன் இணைந்து சந்திரயான்-5 திட்டத்தை மேற்கொள்ளும் எனவும் இஸ்ரோ தலைவர் சோமநாத் தெரிவித்துள்ளார். இந்த திட்டத்திற்கு சந்திர துருவ ஆய்வு (Lunar Polar Exploration) என பெயர் வைக்கப்பட்டுள்ளது. மேலும் இதற்கான அதிகாரப்பூர்வ தேதியை அவர் தெரிவிக்கவில்லை. சந்திரயான்-4 திட்டமிடப்பட்ட 2028- ஆம் ஆண்டுக்கு பிறகு (Gaganyaan And Chandrayaan-4 ISRO Announced Dates) சந்திரயான்-5 திட்டம் செயல்படுத்தப்படும் என எதிர்ப்பார்க்கலாம்.        

மேலும் சந்திரயான்-5 விண்கலமான ‘லூபெக்ஸ்’ பற்றி பேசிய அவர் இது மிகவும் கடினமான மிஷனாக இருக்கும் எனவும், இந்த திட்டத்திற்கு லேண்டர் இந்தியா வழங்கும் என்றும் ரோவர் மட்டும் ஜப்பானில் இருந்து  இந்தியாவுக்கு வரும் என தெரிவித்தார். மேலும் இதுகுறித்து பேசிய அவர் சந்திரயான்-3 திட்டத்தில் இருந்த ரோவர் எடையானது வெறும் 27 கிலோ மட்டுமே. ஆனால் இந்த சந்திரயான்-5 திட்டத்தில் விண்கலம் சுமார் 350 கிலோ எடையுள்ள ரோவரை சுமந்து செல்லும். மேலும் இது மிகவும் சவாலான பணியாகும். இது சந்திரனில் மனிதனை தரையிறக்கும் திட்டத்திற்கு மிக நெருக்கமாக நம்மை அழைத்துச் செல்லும் என தெரிவித்தார்.