Garudan Movie Review : கருடன் திரைப்படத்தின் திரை விமர்சனம்

சொக்கனாக படத்தின் நாயகன் சூரி. நடிகர் உன்னி முகுந்தனின் மீது அதீத அன்பு கொண்ட அடிமையாகவும், கதையின் நாயகனாக மாஸ் காட்டியுள்ளார். நாயகனாகவும் அதே நேரம் படத்தில் காமெடி வேண்டியபோது ரசிகர்களை சிரிக்க வைத்தும் ரசிகர்களை கட்டிபோட்டுள்ளார் சூரி. ஆதி கதாபாத்திரத்தில் தனது வழக்கமான, கதைக்குத் தேவையான நடிப்பை சரியான நேரத்தில் சசிக்குமார் வெளிப்படுத்த, நண்பனையும், விசுவாசம் காட்டும் சூரியையும் உபயோகித்துக் கொள்ளும் கர்ணா கதாபாத்திரத்தில் உன்னி முகுந்தன் பொருந்திப் போகிறார். சிறந்த போலீஸ் அதிகாரியாக சமுத்திரக்கனி நடித்துள்ளார். ஆர்.வி.உதயகுமார், மைம் கோபி, வடிவுக்கரசி என கதாபாத்திரங்களுக்கு ஏற்ற நடிப்பை சக நடிகர்கள் வழங்க, ஷிவதா இரண்டாம் பாதியில் சிறப்பான நடிப்பை வெளிப்படுத்தி கதையை ஒருங்கிணைக்கிறார்.

பின்னணி இசை மற்றும் பஞ்சவர்ணக் கிளியே பாடல் வழியாக ரசிகர்களை திருப்திப்படுத்தியிருக்கிறார் யுவன். தேனியின் வறண்ட பகுதிகளையும், காதல் பாடலில் மலைப் பகுதியின் குளுமையையும், நட்பு, துரோகம் என உணர்வுக்கேற்றபடி திரை அனுபவத்தை ஆர்தர் வில்சனின் கேமரா பதிவு செய்துள்ளது. சூரியைத் தவிர கதாபாத்திரங்களில் புதுமையோ, உற்சாகமோ இல்லை. சூதாட்டமும் அடிமைத்தனமும் கர்ணனின் குணாதிசய மாற்றத்திற்கு வலுவான காரணத்தைச் சேர்த்திருக்கலாம். நாயைப் போல இருந்தேன், என்னை மனிதனாக்கினாய் போன்ற வசனங்களைத் தாண்டி, தன் நம்பிக்கை யாருக்காக என்பதைச் சரியாக அடையாளம் காட்டிய கதையைப் பாராட்டுகிறார். ஆக மொத்தத்தில் குடும்பத்துடன் தியேட்டருக்கு சென்று விசுவாசமான கருடனை (Garudan Movie Review) ரசிக்கலாம்.