Glenn Phillips ஐந்து விக்கெட்டுகளை வீழ்த்தி அபாரம்

வெலிங்டன் :

ஆஸ்திரேலியா அணிக்கு எதிரான முதல் டெஸ்ட் போட்டியில் நியூசிலாந்து அணியின் Glenn Phillips 5 விக்கெட்டுகளை வீழ்த்தி அசத்தினார். ஆஸ்திரேலியா அணி நியூசிலாந்தில் சுற்றுப்பயணம் மேற்கொண்டு இரண்டு டெஸ்ட் போட்டிகள் விளையாடி வருகிறது. இந்தப் போட்டியில் முதலில் பேட் செய்த ஆஸ்திரேலியா, கேமரூன் கிரீனின் அபார சதத்தால் 383 ரன்கள் குவித்தது. இறுதிவரை களத்தில் இருந்த கேமரூன் கிரீன் 174 ரன்கள் எடுத்து அசத்தினார். இதனையடுத்து களமிறங்கிய நியூசிலாந்து அணி வெறும் 179 ரன்களுக்கு ஆட்டமிழந்தது. நியூசிலாந்தின் Glenn Phillips அதிகபட்சமாக 71 ரன்கள் எடுத்தார். அதேபோல் ஆஸ்திரேலிய அணி சார்பில் நாதன் லயன் 4 விக்கெட்டுகளை வீழ்த்தினார். இதன் மூலம் ஆஸ்திரேலிய அணி 204 ரன்கள் முன்னிலை பெற்றது. பின்னர் 2வது இன்னிங்சை ஆஸ்திரேலியாவுக்கு அதிர்ச்சியுடன் தொடங்கியது. தொடக்க ஆட்டக்காரர் ஸ்டீவ் ஸ்மித் டக் அவுட்டாகவும், மறுபுறம் லாபுசாக்னே 2 ரன்களில் ஆட்டமிழந்தனர். இதனால் 2வது நாள் முடிவில் ஆஸ்திரேலிய அணி 12 ரன்களுக்கு 2 விக்கெட்டுகளை இழந்துள்ளது. தொடர்ந்து 3-வது நாளாக ஆடுகளம் சற்று சுழலுக்கு சாதகமாக மாறியது.

Glenn Phillips :

இதையறிந்த நியூசிலாந்து அணி கிளென் பிலிப்ஸுடன் களமிறங்கியது. இவரது சுழலில் சிக்கிய கவாஜா 28 ரன்களும், ஹெட் 29 ரன்களும், மிட்செல் மார்ஷ் டக் அவுட்டாகி, கேரி 3 ரன்களும், கிரீன் 34 ரன்களும் எடுத்தனர். இதனால் ஆஸ்திரேலிய அணி 164 ரன்களுக்கு ஆல் அவுட் ஆனது. Glenn Phillips சிறப்பாக விளையாடி 5 விக்கெட்டுகளை வீழ்த்தினார்.

விக்கெட் கீப்பரான Glenn Phillips தற்போது நியூசிலாந்து அணிக்கு பகுதி நேர சுழற்பந்து வீச்சாளராக சிறப்பான பங்களிப்பை அளித்து வருகிறார். இதையடுத்து 369 ரன்கள் எடுத்தால் வெற்றி என்ற இலக்குடன் நியூசிலாந்து அணி 2-வது இன்னிங்சை தொடங்கியது. 3வது நாள் ஆட்ட நேர முடிவில் நியூசிலாந்து அணி 3 விக்கெட் இழப்புக்கு 111 ரன்களுடன் களத்தில் உள்ளது. சிறப்பாக விளையாடிய ரச்சின் ரவீந்திரன் 56 ரன்களுடன் களத்தில் உள்ளார்.