GOAT Movie Release Date : 'GOAT' படத்தின் ரிலீஸ் எப்போ தெரியுமா?

தமிழ் திரையுலகில் தனக்கென ஒரு ரசிகர்கள் பட்டாளம் வைத்துள்ள இயக்குனராக வெங்கட் பிரபு உள்ளார். பொதுவாக அவரது படங்களில் பொழுதுபோக்குக்கு பஞ்சம் இருக்காது. அந்த அளவுக்கு கமர்ஷியலாக கலகலப்பான படங்களை இயக்குவதில் வல்லவரான வெங்கட் பிரபு, முதன்முறையாக விஜய்யுடன் ‘GOAT’ படத்தின் மூலம் இணைந்துள்ளார். விஜய், வெங்கட் பிரபு கூட்டணியில் உருவாகி வரும் ‘கோட்’ படத்திற்கு ரசிகர்கள் மத்தியில் மிகுந்த எதிர்பார்ப்பு நிலவி வருகிறது. இந்த கூட்டணி முதன்முறையாக இணைந்திருக்கும் நிலையில், இவர்களது கூட்டணியில் என்ன மாதிரியான படைப்பாக ‘கோட்’ வெளியாகப் போகிறது என்பதை அறிய கோலிவுட் திரையுலகம் காத்திருக்கிறது.

வெங்கட் பிரபு மிகப்பெரிய நட்சத்திர பட்டாளத்தை வைத்து படத்தை இயக்கி வரும் இப்படத்தில் ஜெயராம், மைக் மோகன், பிரபுதேவா, பிரேம்ஜி அமரன், சினேகா, லைலா, பிரசாந்த், அஜ்மல், வைபவ், விடிவி கணேஷ், மீனாட்சி சவுத்ரி ஆகியோர் இணைந்து நடிக்கின்றனர். மேலும், இப்படத்தில் நடிகர் விஜய் இரண்டு வித்தியாசமான தோற்றங்களில் நடிக்கிறார்.