Golden Globe Awards 2024 : பல விருதுகளை குவித்த 'ஓபன்ஹெய்மர்' திரைப்படம்

2024-ம் ஆண்டுக்கான 81-வது ‘தி கோல்டன் குளோப் விருது’ வழங்கும் விழா அமெரிக்காவில் உள்ள பெவர்லி ஹில்டன் ஹோட்டலில் இந்திய நேரப்படி நேற்று காலை 6.30 மணிக்கு தொடங்கியது. இந்நிகழ்ச்சியை நகைச்சுவை நடிகர் ஜோ கோய் தொகுத்து வழங்கினார். இந்த நிகழ்ச்சியை பொதுமக்கள் பார்த்து ரசிக்கும் வகையில் சிபிஎஸ் மற்றும் பாராமெளண்ட் ஆகிய ஓடிடி தளத்தில் நேரடியாக ஒளிபரப்பப்பட்டது. இதில் ஓபன்ஹெய்மர் திரைப்படத்துக்கு அதிக விருதுகள் (Golden Globe Awards 2024) கிடைத்துள்ளன. இன்செப்ஷன், டன்கிர்க், மெமென்டோ, தி டார்க் நைட்,  இன்டர்ஸ்டெல்லார்,  டெனெட் என இயக்குநர் கிறிஸ்டோபர் நோலன் இயக்கத்தில் வெளியான ஒவ்வொரு படங்களும் விருதுகளை வென்றது. அவர் இயக்கத்தில் வெளியான ‘ஓபன்ஹெய்மர்’ திரைப்படம் பல விருதுகளை குவித்துள்ளது. ஹாலிவுட் ஃபாரின் ப்ரெஸ் அசோசியேஷன் என்கிற அமைப்பு சினிமா மற்றும் சின்னத்திரையில் சிறந்த படைப்புகளையும் கலைஞர்களையும் ஒவ்வெறு வருடமும்  கௌரவித்து வருகிறது. இதுவே கோல்டன் குளோப் விருது என அழைக்கப்படுகிறது. ஆஸ்கார் விருதுக்கு அடுத்தபடியாக  உலக திரைக்கலைஞர்களால் பெரிதும் மதிக்கப்படும் விருதாக ‘தி கோல்டன் குளோப்’ விருதுகள் பார்க்கப்படுகின்றன.