ICC World Cup 2023 : உலககோப்பைக்கான இந்திய அணி நாளை அறிவிப்பு

ICC World Cup 2023 : இதுவரை இந்தியா மற்ற நாடுகளுடன் இணைந்து உலக கோப்பை தொடரை நடத்தி வருகிறது. ஆனால் முதல் முறையாக இந்தியா தனியாக உலகக் கோப்பையை நடத்துகிறது. தொடக்க ஆட்டத்தில் நடப்பு சாம்பியனான இங்கிலாந்து, நியூசிலாந்து அணிகள் அக்டோபர் 5-ம் தேதி அகமதாபாத்தில் உள்ள நரேந்திர மோடி கிரிக்கெட் ஸ்டேடியத்தில் மோதுகின்றன. உலகக் கோப்பை கிரிக்கெட் தொடருக்கான இந்திய அணி நாளை அறிவிக்கப்படும் எனத் தெரியவந்துள்ளது.

உலக கோப்பை கிரிக்கெட் தொடர் (ICC World Cup 2023) வரும் அக்டோபர் 5ம் தேதி தொடங்குகிறது. செப்டம்பர் 5ம் தேதிக்குள் அனைவரும் அணியை அறிவிக்க வேண்டும் என ஐசிசி கெடு விதித்திருந்தது. இந்நிலையில் பிசிசிஐ தேர்வுக்குழு நாளை அகர்கர் தலைமையில் கூடி உலக கோப்பை தொடருக்கான அணியை அறிவிக்கிறது. நீண்ட நாட்களுக்குப் பிறகு காயத்தில் இருந்து திரும்பிய ஸ்ரேயாஸ் ஐயர், கே.எல்.ராகுல், பும்ரா ஆகியோர் இந்திய அணியில் எப்படிச் செயல்படுவார்கள் என்பதைப் பார்த்து அணியைத் தேர்வு செய்ய பிசிசிஐ திட்டமிட்டிருந்தது. இந்நிலையில் ஸ்ரேயாஸ் ஐயர் தனது உடற்தகுதியை நிரூபித்துள்ளார். அதேபோல் கே.எல்.ராகுலுக்கு இன்று நடத்தப்பட்ட இறுதிச் சுற்று பயிற்சியிலும் வெற்றி பெற்றார்.

பேட்டிங், பந்துவீச்சு மற்றும் விக்கெட் கீப்பிங் ஆகிய மூன்று அம்சங்களிலும் சிறப்பாக செயல்பட்டார். இதனையடுத்து இன்று இரவு கே.எல்.ராகுல் இலங்கை செல்ல உள்ளார். இந்நிலையில் உலகக் கோப்பைக்கான 15 பேர் கொண்ட அணியில் கே.எல்.ராகுலும், ஸ்ரேயாஸ் ஐயரும் நிச்சயம் இடம் பெறுவார்கள் என்று எதிர்பார்க்கப்படுகிறது. பாகிஸ்தானுக்கு எதிராக இஷான் கிஷான் சிறப்பாக செயல்பட்டு வருவதால் அவருக்கும் அணியில் நிச்சயம் இடம் கிடைக்கும் என தெரிகிறது.

மேலும் கூடுதல் வீரராக அணியில் சேர்க்கப்பட்ட சஞ்சு சாம்சன் இடம் பெறுவாரா? இல்லை, சூர்யகுமாருக்கு இடம் கிடைக்குமா என்பது இப்போது சந்தேகம். அதேபோல் வெஸ்ட் இண்டீஸ் தொடரில் சிறப்பாக செயல்பட்ட திலக் வர்மாவுக்கு அணியில் இடம் கிடைக்காது என எதிர்பார்க்கப்படுகிறது.