IND vs BAN Test Series : முதல் டெஸ்ட் தொடரில் இந்தியா 280 ரன்கள் வித்தியாசத்தில் அபார வெற்றி

அனைத்து விக்கெட்களையும் இழந்து முதல் இன்னிங்ஸில் இந்திய அணி 376 ரன்களை குவித்தது. இந்திய அணியில் ரவிச்சந்திர அஸ்வின் 113 ரன்களும், ரவீந்திர ஜடேஜா 86 ரன்களும் எடுத்தனர். வங்கதேச அணியில் ஹாசன் மஹ்முத் 5 விக்கெட்களை வீழ்த்தினார். பிறகு முதல் இன்னிங்ஸை தொடங்கிய வங்கதேச அணி மளமளவென அனைத்து விக்கெட்களையும் இழந்து வெறும் 149 ரன்களுக்கு ஆல் அவுட் ஆனது.

இந்திய அணியின் சார்பாக பும்ரா 4 விக்கெட்களை வீழ்த்தினார். 2வது இன்னிங்ஸ் ஆடிய இந்திய அணி 4 விக்கெட்களை இழந்து 287 ரன்களுக்கு டிக்ளேர் செய்தது. இந்திய அணியில் சுப்மன் கில் அதிகபட்சமாக 119 ரன்களும், ரிஷப் பண்ட 109 ரன்களும் எடுத்தனர். இந்தியா முதல் இன்னிங்ஸில் 227 ரன்கள் வித்தியாசத்தில் முன்னிலையில் இருந்தது. இரண்டு இன்னிங்ஸையும் சேர்த்து வங்கதேச அணிக்கு 515 ரன்கள் இலக்காக நிர்ணயிக்கப்பட்டது.