IND vs ENG 5th Test Match : டெஸ்ட் சாம்பியன்ஷிப் தொடரில் அதிக சதம் அடித்த வீரர்கள்

IND vs ENG 5th Test Match :

இங்கிலாந்துக்கு எதிரான ஐந்தாவது டெஸ்ட் போட்டியில் (IND vs ENG 5th Test Match) இந்திய அணியின் நட்சத்திர வீரர் கில் அசத்தலான சதம் விளாசினார். இதன் மூலம் கில் மிகப்பெரிய சாதனையை சமன் செய்துள்ளார்.

சுப்மன் கில் :

இந்திய அணியில் நம்பர் 3 வீரராக இருந்த புஜாரா மோசமான பார்ம் காரணமாக அணியில் இருந்து நீக்கப்பட்டார். இதையடுத்து அந்த இடத்தில் களம் இறங்கிய கில் தொடர்ந்து சொதப்பினார். இதன் காரணமாக கில்லை நீக்கிவிட்டு புஜாராவை அணியில் சேர்க்க கோரிக்கை எழுந்தது. ஆனால் தனது திறமையை நிரூபித்த கில், ஒன்றன் பின் ஒன்றாக சிறப்பான ஆட்டத்தை வெளிப்படுத்தி ரசிகர்கள் மத்தியில் நல்ல பெயரை பெற்று வருகிறார். இந்நிலையில் தர்மசாலாவில் நடந்த கடைசி டெஸ்ட் போட்டியில் சதம் அடித்து இந்திய அணியை வலுவான நிலைக்கு கொண்டு சென்றார்.

இதன் மூலம், உலக டெஸ்ட் சாம்பியன்ஷிப் தொடரில் தனது நான்காவது சதத்தை அடித்துள்ளார். இந்த சதத்தின் மூலம் விராட் கோலியின் சாதனையை கில் சமன் செய்து உள்ளார். உலக டெஸ்ட் சாம்பியன்ஷிப் தொடரில் விராட் கோலி நான்கு சதங்கள் அடித்த நிலையில், தற்போது கில் அதை சமன் செய்துள்ளார். இந்த தொடரில் அதிக சதம் அடித்த இந்திய வீரர்கள் பட்டியலில் ரோகித் சர்மா முதலிடத்தில் உள்ளார். ரோகித் சர்மா 9 சதங்களும், கில், விராட் கோலி, மயங்க் அகர்வால் 4 சதங்களும், ஜடேஜா, ஜெய்ஸ்வால், ரிஷப் பந்த், ராகுல் 3 சதங்களும் அடித்துள்ளனர்.

ஆண்டர்சன் :

கில், ரோஹித் ஷர்மா மற்றும் டிராவிட் ஆகியோரிடம், மூன்றாவது இடத்தில் தொடங்கினால் சிறப்பாக செயல்பட முடியும் என்று இந்த இடத்தை வாங்கினார். இந்திய அணியின் இளம் வீரர் சுப்மன் கில், ஆண்டர்சன் பந்துவீச்சில் அடித்த சிக்ஸருக்கான காரணத்தை தெரிவித்துள்ளார். இங்கிலாந்துக்கு எதிரான முதல் டெஸ்ட் போட்டியில் இந்திய இளம் வீரர் சுப்மன் கில் மோசமான ஆட்டத்தை வெளிப்படுத்தினார். 3வது பேட்டிங் வரிசையில் சுப்மன் கில் மோசமான ஆட்டத்தை வெளிப்படுத்தி வருவதாகவும், இந்திய அணி நிர்வாகம் புஜாராவை மீண்டும் கொண்டு வர வேண்டும் என்றும் ரசிகர்கள் பலர் கருத்து தெரிவித்து வந்தனர்.

சுப்மன் கில் அனைவரின் விமர்சனங்களுக்கும் தனது பேட் மூலம் பதிலளித்துள்ளார். இந்திய அணியின் நம்பர் 3 வீரராக 7 ஆண்டுகளுக்கு பிறகு டெஸ்ட் தொடரில் 400 ரன்களை கடந்துள்ளார். இங்கிலாந்துக்கு எதிரான டெஸ்ட் தொடரில் 9 இன்னிங்ஸ்களில் விளையாடியுள்ள சுப்மன் கில் 2 சதம், 2 அரைசதம் உட்பட 452 ரன்கள் குவித்துள்ளார். இங்கிலாந்துக்கு எதிரான கடைசி டெஸ்ட் போட்டியின் முதல் இன்னிங்ஸில் சுப்மன் கில் 110 ரன்கள் எடுத்தார். அதுமட்டுமல்லாமல், முதல்முறையாக டெஸ்ட் போட்டியைக் காண வந்ததால், கில் தனது தந்தையின் மகிழ்ச்சியில் சதம் அடித்து மிரட்டினார்.

இதுகுறித்து சுப்மன் கில் கூறுகையில், எனது தந்தை முதன்முறையாக சர்வதேச கிரிக்கெட் போட்டியை பார்க்க வந்துள்ளார். நான் டெஸ்ட் கிரிக்கெட்டில் ஜொலிக்க வேண்டும் என்பதே அவரது விருப்பம். இன்றைய ஆட்டத்தில் (IND vs ENG 5th Test Match) சதம் அடித்ததால் அவர் மகிழ்ச்சி அடைந்திருப்பார் என நம்புகிறேன். திடீரென ஆண்டர்சன் பந்துவீச்சில் சிக்ஸர் அடிக்கலாம் என்று தோன்றியது. ஏனெனில் அப்போது ஆடுகளம் அதிக திருப்பம் பெறவில்லை. அதனால் அந்த சிக்ஸர் அவருக்கு அழுத்தம் கொடுக்க நினைத்த ஷாட். நான் ஃபார்மில் இருக்கிறேனோ இல்லையோ, நான் பேட்டிங் செய்ய வெளியே வரும்போது எனக்கு மகிழ்ச்சியாக இருக்கிறது.

ஆண்டர்சன் பந்தில் அந்த பந்தை சரியாக பார்க்கவில்லை. ஒவ்வொரு முறை களமிறங்கும்போதும் பெரிய ஸ்கோர் அடிக்க வேண்டும் என்பதுதான் எண்ணம். சரியான தொடக்கம் கிடைத்தால் பெரிய ஸ்கோராக மாற்றும் திட்டம் உள்ளது என்றார். அந்த சிக்ஸர்களை அடித்த பிறகு ஆண்டர்சனிடம் தொடர்ந்து பேசுவது குறித்த கேள்விக்கு, எங்கள் இருவருக்குள்ளும் உரையாடல் மட்டுமே நடந்தது என்று நினைக்கிறேன் என்று பதிலளித்தார். இதன் மூலம் இளம் வீரர் சுப்மன் கில்லை மூத்த வீரர் ஆண்டர்சன் ஸ்லெட்ஜிங் செய்தது தெரியவந்துள்ளது.