India Lost 1st Test : சொந்த மண்ணில் இந்திய அணி தோல்வி

இந்தியாவுக்கு எதிரான முதல் டெஸ்டில் இங்கிலாந்து அணி 28 ரன்கள் வித்தியாசத்தில் வெற்றி பெற்று சாதனை படைத்துள்ளது. இந்தப் போட்டியின் முதல் இன்னிங்சில் இங்கிலாந்து அணி 246 ரன்களுக்கு ஆல் அவுட்டானது, தொடர்ந்து களமிறங்கிய இந்தியா முதல் இன்னிங்சில் 436 ரன்களுக்கு ஆல் அவுட் ஆனது. 190 ரன்கள் பின்தங்கிய நிலையில் இங்கிலாந்து 2வது இன்னிங்சில் 420 ரன்கள் குவித்தது. இதனால் இந்திய அணிக்கு 231 ரன்கள் வெற்றி இலக்காக நிர்ணயிக்கப்பட்டது. அதேசமயம், முதல் இன்னிங்சில் 100 ரன்களுக்கு மேல் முன்னிலை வகித்த இந்திய அணி, டெஸ்ட் கிரிக்கெட் வரலாற்றில் இதுவரை தோல்வியை (India Lost 1st Test) சந்தித்ததில்லை. இது ரசிகர்கள் மத்தியில் நம்பிக்கையை ஏற்படுத்தியது. தொடர்ந்து 4-வது நாளாக மதிய உணவு இடைவேளைக்கு பிறகு இந்திய அணிக்கு ரோகித்-ஜெய்ஸ்வால் ஜோடி களமிறங்கியது.

இருவரும் சிறப்பாக தொடங்கி முதல் விக்கெட்டுக்கு 42 ரன்கள் சேர்த்தனர். பின்னர் ஜெய்ஸ்வால் 15 ரன்களில் வெளியேற, சுப்மான் கில் ரன் ஏதும் எடுக்காமல் வெளியேறினார். பின்னர் ரோகித் சர்மா 39 ரன்களும், அக்சர் படேல் 17 ரன்களும், கேஎல் ராகுல் 22 ரன்களும், ஜடேஜா 2 ரன்களும், ஷ்ரேயாஸ் ஐயர் 13 ரன்களும் எடுத்தனர். முதல் இன்னிங்சில் அதிக ரன்களை விட்டுக்கொடுத்த டாம் ஹார்ட்லி இம்முறை அதிக விக்கெட்டுகளை வீழ்த்தினார்.