India Made No1 ICC Ranking: இந்தியா தான் அனைத்து வித கிரிக்கெட்டிலும் நம்பர் 1

India Made No1 ICC Ranking: இந்த அரிய சாதனையின் மூலம் இந்திய அணி கிரிக்கெட் வரலாற்றில் மூன்று வடிவங்களிலும் முதலிடம் பிடித்த உலகின் இரண்டாவது அணி என்ற பெருமையை பெற்றுள்ளது.

இந்தியாவுக்கு முன் தென்னாப்பிரிக்கா அணி மட்டுமே இந்த சாதனையை படைத்துள்ளது. 2012ல், தென்னாப்பிரிக்கா கிரிக்கெட்டின் மூன்று வடிவங்களிலும் முதல் இடத்தில் இருந்தது. தற்போது இந்திய அணி பாகிஸ்தானின் ஆதிக்கத்தை முடிவுக்கு கொண்டு வந்து ஒருநாள் கிரிக்கெட்டில் முதல் இடத்தை பிடித்துள்ளது.

இருப்பினும், ஒருநாள் போட்டிகளில் நம்பர் 1 இடத்தைத் தக்கவைக்க, ஆஸ்திரேலியாவுக்கு எதிரான அடுத்த இரண்டு ஒருநாள் போட்டிகளில் இந்தியாவுக்கு குறைந்தபட்சம் ஒரு வெற்றி தேவை. முன்னதாக, இந்திய அணி ஆஸ்திரேலியாவை 276 ரன்களுக்கு ஆல் அவுட் செய்தது.

அடுத்து பேட்டிங் செய்த இந்திய அணியின் 4 வீரர்கள் அரைசதம் அடித்தனர். ருதுராஜ் கெய்க்வாட் 71 ரன்களும், சுப்மான் கில் 74 ரன்களும், கேஎல் ராகுல் 58* ரன்களும், சூர்யகுமார் யாதவ் 50 ரன்களும் எடுத்தனர். இந்திய அணி அவர்களின் சிறப்பான ஆட்டத்தால் எளிதாக வெற்றி பெற்றது.

அடுத்த இரண்டு போட்டிகளில் வெற்றி பெற்றால் மட்டுமே ஆஸ்திரேலியா தொடரை கைப்பற்ற முடியும். ஏற்கனவே தென்னாப்பிரிக்காவுக்கு எதிரான ஒருநாள் தொடரை 2-3 என இழந்துள்ள நிலையில், இந்த தொடரை இழந்தால் உலக கோப்பை தொடருக்கு முன்னதாக அந்த அணிக்கு பெரும் பின்னடைவாக இருக்கும்.