Indian Space Station : நாசாவுக்கு 'இந்தியா தான் சிறந்த கூட்டாளி'

இஸ்ரோ திட்டப்படி வரும் 2035 ஆண்டுக்குள் இந்திய விண்வெளி நிலையத்தை (Indian Space Station) அமைக்கவும் அதனை தொடர்ந்து வரும் 2040 ஆம் ஆண்டின் இறுதிக்குள் இந்திய வீரர்கள் அல்லது ஒரு இந்தியரையாவது நிலவுக்கு (Moon) அனுப்பவும் முடிவு செய்துள்ளது. இதற்கான அனைத்து நடவடிக்கைகளையும் இஸ்ரோ விண்வெளி ஆராய்ச்சி மையம் இப்போதிலிருந்தே துவங்கிவிட்டது என்று கூறப்பட்டுள்ளது. அமெரிக்காவின் நாசா நிர்வாக அதிகாரி பில் நெல்சன் (Bill Nelson) இதுகுறித்து கூறுகையில் இந்தியாவின் சொந்த விண்வெளி நிலையத்தை (Indian Space Station) அமைக்க நாசாவும் அமெரிக்காவும் தயாராக உள்ளது என்று அவர் தெரிவித்திருக்கிறார். மேலும் இஸ்ரோ திட்டமிட்டுள்ளபடி அடுத்த ஆண்டு இறுதிக்குள் ஒரு இந்திய விண்வெளி வீரரை நாசா அதன் சொந்த ராக்கெட் மூலம் சர்வதேச விண்வெளி நிலையத்திற்கு அழைத்து செல்லும் என்றும் அவர் தெரிவித்துள்ளார்.

இந்த திட்டத்துடன் இணைந்து இஸ்ரோ உருவாக்கவிருக்கும் அதன் சொந்த விண்வெளி நிலையத்தை (Indian Space Station) உருவாக்கவும் நாசா உதவி செய்யும் என்று அவர் கூறியுள்ளார். எதிர்காலத்தில் இஸ்ரோவுடன் இணைந்து மேலும் பல முக்கிய திட்டங்களை நாசா மேற்கொள்ளும் என்றும் நாசா தெரிவித்துள்ளது. இந்திய விண்வெளி ஆராய்ச்சி நிறுவனமான (NISAR) வரும் 2024 ஆண்டில் முதல் காலாண்டில் ஒரு செயற்கைக்கோளை விண்ணில் செலுத்த உள்ளது.