IPL 2024 Starts In Chepauk : ஐபிஎல் தொடக்க விழா சேப்பாக்கத்தில் ஆரம்பம் - ஏ.ஆர் ரகுமான் இசையுடன் தொடங்குகிறது.

சேப்பாக்கம் மைதானத்தில் நடைபெறும் ஐபிஎல் தொடக்க விழாவில் (IPL 2024 Starts In Chepauk ) பங்கேற்கும் நட்சத்திரங்கள் குறித்த தகவல் வெளியாகியுள்ளது. ஐபிஎல் கிரிக்கெட் தொடரின் 17வது சீசன் இன்னும் ஒரு வாரத்தில் தொடங்கவுள்ளது. சென்னை சேப்பாக்கம் மைதானத்தில் நடைபெறும் முதல் ஆட்டத்தில் நடப்பு சாம்பியனான சிஎஸ்கே அணியை ஆர்சிபி எதிர்கொள்கிறது. இதற்காக சிஎஸ்கே அணியினர் மார்ச் முதல் வாரத்தில் இருந்து பயிற்சி முகாமை தொடங்கியுள்ளனர்.

 ஐபிஎல் தொடரின் இந்த சீசன் சென்னையில் மாபெரும் தொடக்க விழா மூலம் தொடங்க உள்ளது. இதனால் ஐபிஎல் தொடரின் தொடக்க விழாவில் பங்கேற்க 10 அணிகளின் கேப்டன்களும் சென்னை சேப்பாக்கம் மைதானத்திற்கு வருவார்கள் என்று எதிர்பார்க்கப்படுகிறது. மகளிர் ஐபிஎல் பிரிமியர் லீக் போலவே இந்த தொடரிலும் நட்சத்திர பிரபலங்களை அழைத்து தொடங்க திட்டமிட்டுள்ளது.

 இந்நிலையில் ஐபிஎல் தொடரின் தொடக்க விழாவில் பங்கேற்கும் நட்சத்திரங்களின் பட்டியல் வெளியாகியுள்ளது. கடந்த முறை பாடகர் அர்ஜித் சிங் பங்கேற்று குஜராத் ரசிகர்களை கொண்டாட்ட மனநிலையில் தள்ளினார். மேலும், இம்முறை சேப்பாக்கம் என்பதால் இசையமைப்பாளர் ஏ.ஆர்.ரஹ்மான் பங்கேற்க உள்ளதாக தகவல் வெளியாகியுள்ளது.