Jailer Movie Release Date: ஆகஸ்ட் 10 ஆம் தேதி வெளியாகும் ஜெயிலர்

‘அண்ணாத்த’ படத்திற்கு பிறகு ரஜினியின் படம் ஏதும் வெளியாகாததால் “ஜெயிலர்” படத்திற்காக ரசிகர்கள் வெறித்தனமாக காத்திருக்கிறார்கள். மேலும் இளம் இயக்குனர் நெல்சனுடன் ரஜினி இணைந்திருப்பதால் இந்த படத்திற்கு ரசிகர்கள் மத்தியில் பெரும் எதிர்பார்ப்பு நிலவுகிறது. இந்நிலையில், ‘ஜெயிலர்’ படம் குறித்த வெறித்தனமான அப்டேட் ஒன்றை படக்குழு வெளியிட்டுள்ளது. சிறுத்தை சிவா இயக்கத்தில் 2021 ஆம் ஆண்டு ரஜினி நடிப்பில் வெளிய படம் “அண்ணாத்த” ஆகும். இப்படத்தில் நயன்தாரா, மீனா, குஷ்பு, கீர்த்தி சுரேஷ்உள்ளிட்டோர் நடித்திருந்தனர். இப்படம் பாக்ஸ் ஆபிஸில் நல்ல வரவேற்பைப் பெற்றாலும், விமர்சன ரீதியாக ஏகப்பட்ட சறுக்கலை சந்தித்தது. ரஜினி ரசிகர்களின் எதிர்பார்ப்பையும் இப்படம் முழுமையாக பூர்த்தி செய்யவில்லை.

இந்நிலையில் ‘அண்ணாத்த’ படத்திற்கு பிறகு ரஜினிகாந்தை வைத்து படம் இயக்க பல இளம் இயக்குனர்கள் போட்டி போட்டனர். இதன் பிறகு கோலமாவு கோகிலா, டாக்டர் போன்ற டார்க் காமெடி படங்களை இயக்கிய நெல்சன் இயக்கும் வாய்ப்பை கைப்பற்றினார். நெல்சனுடன் ரஜினி இணைந்திருப்பது ரசிகர்களிடையே மிகுந்த எதிர்பார்ப்பை ஏற்படுத்தியுள்ளது.

விஜய்யின் ‘பீஸ்ட்’ பட ரிலீசுக்கு முன்பாகவே ரஜினியை வைத்து படம் இயக்கம் வாய்ப்பை நெல்சன் கைப்பற்றினர். பெரும் எதிர்பார்ப்புகளுக்கு பிறகு வெளியான ‘பீஸ்ட்’ படம் தோல்வியடைந்ததால் ‘ஜெயிலர்’ படத்தை வெற்றிப் படமாக்க வேண்டும் என்ற நோக்கில் நெல்சன் செயல்பட்டு வருகிறார். இந்தப் படத்தை முழுக்க முழுக்க ஆக்சன் ஜானரில் இயக்கி வருகிறார்.