Joker Folie A Deux : ஜோக்கர் 2 ட்ரெய்லர் வெளியீடு

முதல் அத்தியாயத்தின் முடிவில், ஜோக்கர்/ஆர்தர் ஃப்ளெக் டிவி தொகுப்பாளரைக் கொன்ற பிறகு அவரது ஆதரவாளர்கள் மத்தியில் மகிழ்ச்சியுடன் நிற்பது காட்டப்படுகிறது. இருப்பினும், இரண்டாம் பாகத்தின் ட்ரெய்லரில், ஜோக்கர்/ஆர்தர் ஃப்ளெக் (வாக்கின் பீனிக்ஸ்) அர்காம் அசைலம் என்ற சிறையில் அடைக்கப்பட்டுள்ளார். ஹார்லி குவின் (லேடி காகா) அவரது மனநோய்க்கு சிகிச்சை அளிக்கும் மருத்துவராக நடித்துள்ளார். ட்ரெய்லரில் அவர்கள் இருவரும் பேசுவது, பழகுவது மற்றும் அவர்களின் காதல் மலர்வதைக் காட்டுகிறது. ஒரு கட்டத்தில் ஹார்லி க்வின் கதாபாத்திரம் லேடி ஜோக்கராக மாறுகிறது. இதற்கிடையில், வேறு சிலர் ஆர்தர் ஃப்ளெக்கின் ஜோக்கர் அடையாளத்தை அபகரிக்க முயற்சிக்கின்றனர். இதை எப்படி ஆர்தர் ஃப்ளெக் மற்றும் ஹார்லி க்வின் இருவரும் இணைந்து தடுத்து தங்கள் அடையாளத்தை மீண்டும் பெறுகிறார்கள் என்பதுதான் படத்தின் கதை.

தேவையில்லாத கிராபிக்ஸ் இல்லாமல், முதல் பாகத்தைப் போலவே இரண்டாம் பாகமும் மிக இயல்பாகவும், நம்பும் படியாகவும் உருவாக்கப்பட்டுள்ளது. முதல் பாகத்தை இயக்கிய டாட் பிலிப்ஸ் தான் இந்த படத்தையும் இயக்கியுள்ளார். வாக்கின் பீனிக்ஸ் மீண்டும் ஒரு அபாரமான நடிப்பை வழங்கியுள்ளார். லேடி காகாவின் நடிப்பும் கவனத்தை ஈர்த்துள்ளது. இருப்பினும், ஹார்லி குவின் கதாபாத்திரத்தில் ஏற்கனவே கவனம் ஈர்த்துள்ள மார்கோட் ராபி, அளவிற்கு இணையாக இருப்பாரா என்பதை பொறுத்திருந்து தான் பார்க்க வேண்டும்.